YOHANES 20:22 - KITTA' MATANGKASA'

²² Nampa Natui' ke'nanga na Nakana, “Tarimami RohNa Allata'ala.

YOHANES 20:22 ပူးပေါင်းရင်းမြစ်များ

PA'JARIANG 2:7

Nampa angngalle Karaeng Allata'ala sike'de' butta, naNapare' a'jari se're tau, nampa natui' so'bolo' ka'murunna siagang nappasa' assarea katallassang; nattallasa'mo anjo taua.

AYUB 33:4

RohNa Allata'ala ampa'jaria' siagang assarea' tallasa'.

PAMMUJI 33:6

Assarei parenta Batara, na'jarimo langika; mataallo, bulang, na bintoeng nipa'jari ri kananNa.

YEHEZKIEL 37:9

Nakana Allata'ala ri nakke, “He tau, a'bicarako mae ri anginga. Pauangi angkana iNakke, Batara Kaminang Tinggia amparentakangi mae ri ia sollanna nia' battu ri kere-keremae, untu' ampatuiki nappasaka antama' ri anjo sikamma tubu matea sa'genna attallasa' poleang.”

YOHANES 14:16

LaKupalaki ri Manggea, sollanna Nasareko Pannulung maraeng, eroka ammantang siagang ikau ngaseng sa'genna satunggu-tungguna.

YOHANES 15:26

LaKusuroi battu mae ri kau Pannulung battua ri Manggea. Iamintu Roh, lampa'nyatai katojenganNa Allata'ala. Punna battui, Iami la'jari sa'bi mae ri KalengKu.

YOHANES 16:7

Mingka apa kammatojeng anne Kupaua mae ri kau: Angkanaya bajikangangi mae ri kau punna a'lampA'; nasaba' punna tena Ku'lampa, talabattuai anjo Pannulunga mae ri kau. Mingka punna a'lampA' laKusuroi battu anjo Pannulunga mae ri kau.

YOHANES 20:21

Sikalipa pole Nakana Isa ri ke'nanga, “Salamakko siagang salewangang ngasengko. Sangkamma iNakke NasuroA' Manggea, sangkamma tomminjo naKusuro ngaseng tongko.”

YOHANES 20:23

Punna nupammopporang dosana se'rea tau, nipammopporang tommi ri Allata'ala. Punna tanupammopporanga dosana se'rea tau tena todong nanipammopporangi ri Allata'ala.”

YOHANES 7:39

RohNa Allata'ala anjo Nabicaraya Isa, lanatarimaya tau tappaka ri Ia. Nasaba' anjo wattua tenapa nipassareangi RohNa Allata'ala; lanri tenapa nanipakala'biriki Isa lanri kamateanNa.)

LAMPA-LAMPANA 10:47

“Cini'mi anne taua ngaseng, anggappa tommi RohNa Allata'ala, sangkamma ikatte. Jari maka akkulleiji taua napisangkai punna nije'ne'mo siagang je'ne' ke'nanga?”

LAMPA-LAMPANA 19:2

Akkuta'nammi Paulus ri ke'nanga angkana, “Le'ba'mi nutarima RohNa Allata'ala ri wattunnu tappa' ri Isa?” Appialimi ke'nanga angkana, “Tenapa. Ba'lalo tenapa kile'ba' allangngere' angkanaya nia' RohNa Allata'ala.”

LAMPA-LAMPANA 2:38

Appialimi Petrus nakana, “Toba' ngaseng mako battu ri dosa-dosanu. Siagang musti massing nije'ne' ngasengko lalang arenNa Isa Almasi, sollanna nipammopporang dosa-dosanu. Nampa lanutarima passareNa Allata'ala, iamintu RohNa Allata'ala.

LAMPA-LAMPANA 2:4

Nikoasai ngasemmi ke'nanga ri RohNa Allata'ala, sa'genna appakkaramulamo akkulle a'bicara lalang a'rupa-rupa bicara. Akkullemi a'bicara ke'nanga situru' apa nisareangai ri RohNa Allata'ala untu' lanapau.

LAMPA-LAMPANA 4:8

Anjo Petrus nikoasaimi ri RohNa Allata'ala. Appialimi nakana, “Tabe', mae ri katte ngaseng pamimping bansaya siagang anggotana pangadelang agamaya!

LAMPA-LAMPANA 8:15

Ri wattunna battu Petrus siagang Yohanes mange anjoreng, napappala' doangammi anjo taua ri Samaria, sollanna nisare ke'nanga RohNa Allata'ala.

GALATIA 3:2

Pauanga' bedeng anne se'rea passala': Maka lanri nugaukanna hukkung-hukkung agamaya nakkulle nutarima RohNa Allata'ala? Yareka lanri nulangngere'na Kabara' Baji' battua ri Allata'ala siagang lanri tappa'nu mae ri Almasi?