YOHANES 20:20 - KITTA' MATANGKASA'

²⁰ Le'baki akkana kamma, Napappicinikammi limanNa siagang sa'rinNa mae ri ke'nanga. Sanna' ngasemmi rannuna ke'nanga ri wattunna nacini' Batara.

YOHANES 20:20 ပူးပေါင်းရင်းမြစ်များ

MATIUS 28:8

Akkaro-karomi anjo bai'-bainea a'lampa ambokoi anjo jeraka. Sanna' malla'na ke'nanga, mingka sanna' todong rannuna ngaseng nyawana. Larimi ke'nanga mange ampabattui ri ana'-ana' gurunNa Isa.

YOHANES 16:20

Tappa' mako angkanaya, langngarrukko siagang lappiraungko, mingka larannui linoa. Lasusai pa'mai'nu, mingka lanipinrai kasusannu a'jari karannuang.

YOHANES 16:22

Kamma tomminjo ri kau ngaseng: kamma-kamma anne susai nyawanu, mingka lasibuntulu' poleang jaki' sallang, jari la'jari rannumi nyawanu. Na tenanniakka tau lakkulle angngallei anjo karannuanga battu ri nyawanu.

YOHANES 19:34

Mingka nia'mo kalase'renna anjo surudadua anto'doki poke sa'rinNa Isa, sa'genna assulu'mi ceraka accampuru' je'ne'.

YOHANES 20:25

Nakanamo ana'-ana' gurunNa Isa maraenganga ri Tomas, “Ikambe le'ba'mi nicini' Batara!” Mingka appialimi Tomas nakana, “Punna takucinikapa bate pakua ri limanNa, natenapa nakujamai anjo bokka'Na le'baka nipaku, siagang tenapa kujappuki bokka'Na ri sa'rinNa, tena sikali kutappa'.”

YOHANES 20:27

Nampa Nakana Isa ri Tomas, “Cini'mi anne limangKu siagang jamami. Pamaemi limannu nanujama sa'ringKu. Tea' mako bata-batai, mingka tappa' mako!”

1 YOHANES 1:1

Ia bonena anne kittaka, iamintu passala'na Kana attallasaka, iamintu Kana niaka memammo battu ri pakkaramulanna. Le'ba'mi nalangngere' siagang nacini' mata kalenna ikambe. Le'ba'mi nacini' siagang nata'gala' limanna ikambe.