YOHANES 20:18 - KITTA' MATANGKASA'

¹⁸ Jari a'lampami Maria mange ampauangi ana'-ana' gurunNa Isa, angkanaya le'ba'mi nacini' Batara, siagang Batara le'ba' ampauang ngasengi anjo passalaka.

YOHANES 20:18 ပူးပေါင်းရင်းမြစ်များ

MATIUS 27:56

Nia' tommi anjoreng Maria Magdalena, Maria amma'na Yakobus siagang Yusuf, kammayatompa anrong ana'-ana'na Zebedeus.

MATIUS 28:10

Nakanamo Isa ri ke'nanga, “Teako mallakki, a'lampamako mae ri sikamma sari'battangKu na nupauang sollanna a'lampa ke'nanga mange ri Galilea; anjorempA' sallang nacini' ke'nanga.”

LUKAS 24:10

Iaminne areng-arenna anjo bai'-bainea ampabattuai anjo apa kajarianga mae ri ana' gurunNa Isa: Maria Magdalena, Yohana, na Maria amma'naya Yakobus, kammayatompa sikamma bai'-baine maraengang naaganga ke'nanga.

YOHANES 19:25

Tabellayai ri salli'Na Isa, niaki ammenteng amma'Na Isa, sari'battang bainena amma'Na, Maria bainenna Kleopas, siagang Maria Magdalena.

YOHANES 20:1

Ri bari'basa'na allo Minggua, ri wattu sassanna ija, a'lampami Maria Magdalena mange ri jeraka. Mingka ta'lesammi nacini' batu pattongko'na anjo jeraka.