YOHANES 20:15 - KITTA' MATANGKASA'

¹⁵ Akkuta'nammi Isa ri ia Nakana, “Ibu', angngapa nakiangngarru'? Inai kiboya?” Nakapangi Maria angkana pajama koko anjo taua. Jari nakanamo, “Bapa', punna ikatte ampaletteki anjo mayaka, kitulunga' nakipauanga' angkana kemae kiboli', sollanna akkulle mae kualle.”

YOHANES 20:15 ပူးပေါင်းရင်းမြစ်များ

KELONG MALA'BIRI' 3:2

Eroka' ambangung na kua'lampa akkuliling kota, anjappai sikontu aganga siagang loronga. Eroka' amboyai tu ta'dongkoka ri atingku; kuboyai, mingka sia-siaji bawang.

KELONG MALA'BIRI' 6:1

Kemae lampana tanrinnu, he tulolo kaminang ga'gaya? Kemae lampana tanrinnu, sollanna amminawang todong ikambe a'boya?

MATIUS 12:34

Ikau tau ja'dala' ngasengko! Antekammako lakkulle ampaui kabajikanga punna tau ja'dalakko? Apa nupau iamintu bonena lalang atinnu, assulu' battu ri bawanu!

MATIUS 28:5

Nakanamo anjo malaekaka ri anjo bai'-bainea, “Teako mallakki! Kuassengi angkanaya Isa, le'baka nisalli', battu nuboya.

MARKUS 16:6

Nakanamo anjo tu rungkaya, “Teako mallakki! Kuassengi angkanaya Isa, anjo tu battua ri Nazaret, siagang le'baka nisalli' battu nuboya. Mingka cini'mi tenami anrinni ri tampa'Na niboli'. Le'ba'mi attallasa' poleang.

LUKAS 2:44

Nakana ke'nanga nia'ji Isa ri alla'na tau jaia amminawang. A'jappana ke'nanga siallo bujuru' nampa naboya Isa ri passiassenganna siagang ri bija-bijanna.

LUKAS 24:5

Sanna'mi malla'na ke'nanga, siagang su'ju'mi ke'nanga naung ri buttaya. Mingka nakanamo anjo tau ruaya, “Angngapa nu'boya tau attallasa' ri alla'na tau matea?

YOHANES 1:38

Assailemi Isa mae ri boko, na Nacini'mo ke'nanga amminawang ri Ia. Akkuta'nammi ri ke'nanga angkana, “Apa nuboya?” Appialimi ke'nanga angkana, “Ra'bi kemaeki ammantang?” (‘Ra'bi’ battuanna guru.)

YOHANES 18:4

Naassemmi Isa sikontu apa lakajarianga ri KalenNa. Jari Nareppesimi anjo taua ngaseng, nampa akkuta'nang Nakana, “Inai ngaseng nuboya?”

YOHANES 18:7

Sikalipi pole akkuta'nang Isa ri ke'nanga Nakana, “Inai ngaseng nuboya?” Appialimi ke'nanga angkana, “Isa, battua ri Nazaret.”

YOHANES 20:13

Akkuta'nammi anjo malaekaka nakana, “Angngapa nakiangngarru' ibu'?” Appialimi Maria nakana, “Nia' le'ba' angngallei maya'Na Batara, natakuassengai angkana kemae naboli'.”

1 SAMUEL 1:16

Teaki' kapangngia' angkanaya inakke anne baine sala'. Appala' doang kamma' anne lanri sanna' si'nana pa'maikku.”