YOHANES 20:13 - KITTA' MATANGKASA'

¹³ Akkuta'nammi anjo malaekaka nakana, “Angngapa nakiangngarru' ibu'?” Appialimi Maria nakana, “Nia' le'ba' angngallei maya'Na Batara, natakuassengai angkana kemae naboli'.”

YOHANES 20:13 ပူးပေါင်းရင်းမြစ်များ

KATO'BA 3:4

Allata'ala ampattantui wattu untu' angngarru' siagang wattu untu' ammakkala', wattu untu' appiraung siagang wattu untu' a'joge',

YEREMIA 31:16

Pammari karru'nu, lu'luki je'ne matannu! Tena nalasia-sia posonu mae ri ana'-ana'nu. Lania' passawallang mae ri kau, ana'-ana'nu ammotereki battu ri pa'rasanganna musua.

LUKAS 24:17

Nakanamo Isa ri ke'nanga, “Apa kutadeng nubicara sipa'rua ri tangngana anne aganga sumpadeng?” Ammantammi ke'nanga, na si'na tanja'na nicini'.

YOHANES 19:26

Nacini'Na Isa amma'Na siagang anjo ana' gurunNa Nakamaseanga ammenteng anjoreng, Nakanamo ri amma'Na, “Amma', anjo mae anatta.”

YOHANES 2:4

Appialimi Isa Nakana, “Teaki' suroiA' amma'. Tenapa narapiki wattunna laKupakabateang KalengKu.”

YOHANES 20:15

Akkuta'nammi Isa ri ia Nakana, “Ibu', angngapa nakiangngarru'? Inai kiboya?” Nakapangi Maria angkana pajama koko anjo taua. Jari nakanamo, “Bapa', punna ikatte ampaletteki anjo mayaka, kitulunga' nakipauanga' angkana kemae kiboli', sollanna akkulle mae kualle.”

YOHANES 20:2

Jari larimi mange amboyai Simon Petrus siagang anjo ana' guru Nakamaseanga Isa, nampa nakana ri ke'nanga, “Nia' le'ba' angngallei maya'Na Batara, natakuassengai angkana kemaei naboli'.”

LAMPA-LAMPANA 21:13

Mingka appialimi Paulus angkana, “Apa matu-matunnu angngarru' kamma ngaseng, sa'genna a'jari ancuru' kusa'ring atingku? Kamma-kamma anne sadiama'; teako angkana nijakkala' bawang, mingka sadiama' ba'lalo mate lanri Batara Isa.”

1 SAMUEL 1:8

Na biasa tommo Elkana, iamintu bura'nenna, akkuta'nang angkana, “Angngapa nungngarru' Hana? Angngapa nutaeroka angnganre siagang natuli si'na mamo pa'mai'nu? Tenaka nalompoangang anggarangku nasampuloa ana' bura'ne?”