YOHANES 2:7 - KITTA' MATANGKASA'

⁷ Nakanamo Isa ri anjo pala'-palayanga, “Bonei ngasengi je'ne' anjo gumbanga.” Naboneimi ke'nanga anjo gumbanga, sa'genna rassi ngaseng.

YOHANES 2:7 ပူးပေါင်းရင်းမြစ်များ

1 KARAENG-KARAENG 17:13

Nakanamo Elia ri ia, “Teaki' bata-batai bu'! Kipare'mi anjo kanre untu' kanreta siagang anatta. Mingka la'bi riolo appare' maki' rolong sibatu roti ca'di battu ri anjo labuka siagang minynyaka, nampa kierang mae anrinni.

YOHANES 2:3

Ri wattunna la'busu'mo anggoro' lanipattoananga, nakanamo amma'Na Isa ri Isa, “Kala'busangi anggoro' ke'nanga.”

YOHANES 2:5

Mingka nakanamo amma'Na Isa ri pala'-palayanga, “Gaukang mami apa Napassuroanga ri kau ngaseng.”

YOHANES 2:6

Anjoreng ri tampaka, nia' annang gumbang lompo, nipasadia untu' lanapake taua a'bissa bangkeng situru' ada'na tu Yahudia. Anjo gumbang lompoa akkullei massing nibonei kira-kira sibilangngang litere' jaina.

YOHANES 2:8

Nampa Nakana Isa ri ke'nanga, “Kamma-kamma anne allemi sike'de' anjo je'neka, nampa nuerang mange ri pamimpinna anne passua'-suarrang pa'buntinganga.” Naerammi ke'nanga anjo je'neka mae ri pamimpinna anjo passua'-suarranga.