YOHANES 19:7 - KITTA' MATANGKASA'

⁷ Appialimi tu Yahudia angkana, “Situru' undang-undang niaka ri kambe, musti nihukkung matei antu Taua, nasaba' Nakanai KalenNa Ana'Na Allata'ala.”

YOHANES 19:7 ပူးပေါင်းရင်းမြစ်များ

YESAYA 53:4

Sikontutojenna garrinta natanggongi, pa'risitta napisa'ringi, nampa nikapang angkana anjo hukkunganNa Allata'ala mae ri kalenna.

KAIMANGNGANG 24:16

siagang nihukkung matei. Inai-nai mamo antunrai Batara musti nisambilai siagang batu ri sikontu jama'aka. Anjo hukkunga tappakei untu' tu Israel kammayatompa untu' bansa maraeng ammantang tuliamo ri tangnga-tangngana tu Israel.

MARKUS 15:39

Anjo perwira surudadua niaki ammenteng ri dallekanna salli'Na Isa ri wattunna mate Isa. Nacini'mi antekamma batena mate Isa. Nakanamo anjo perwiraya, “Ma'nassa Ana'Na tojeng Allata'ala anne taua!”

YOHANES 19:8

Nalangngere'na Pilatus akkana kamma ke'nanga, pila' a'jari malla'mi pole.

YOHANES 5:18

Pila' ero'mi ke'nanga ambunoi Isa, lanri akkana kammana Isa. Eroki ke'nanga ambunoi Isa, tena napassabakkang Naballeina bawang taua ri allo Pammari-marianna ke'nanga, mingka lanri Nakanana pole Isa angkanaya Bapa'Na anjo Allata'ala; jari battuanna, Napasangkammai KalenNa Allata'ala.

LAMPA-LAMPANA 18:13

Kammaminne tuntutanna ke'nanga mae ri Paulus, “Anne taua ampangarui tau jaia anynyomba sala ri Allata'ala; nasaba' sisalai anjo apa napangngajarranga siagang apa Napassuroanga Allata'ala le'baka napabattu Musa mae ri kambe!”

ROMA 1:4

mingka lalang kakaraenganna, ma'nassa Iami Ana'Na Allata'ala. A'buttimi anjo lalang ri koasa malompoNa, iamintu lalang ri attallasa'Na ammotere' battu ri kamateanga.

PAOLE 18:20

Mingka punna nia' sitau na'bi barani appabattu pasang lalang arengKu, nampa teai iNakke ansuroi anggaukangi anjo kammaya, musti matei lanri anjo panggaukanna; kammayatompa sikamma na'bi a'bicaraya lalang arenna rewata-rewata maraenga musti matei.’