YOHANES 19:39 - KITTA' MATANGKASA'

³⁹ A'lampa tommi Nikodemus le'baka battu ri wattunna bangngi mae ri Isa. Angngerammi Nikodemus rampa-rampa, kammaya campurang minynya'-minynya' bau', siagang minynya'-minynya' bau' cendana – kira-kira nia' tallumpulo kilogarang jaina battala'na.

YOHANES 19:39 ပူးပေါင်းရင်းမြစ်များ

PA'JARIANG 50:2

Nampa naparentakang Yusuf ri pangurusu' mayaka untu' ansarei rampa-rampa anjo maya'na Yakub sollanna attahang.

2 PATTOTTORANG 16:14

Nisarei rampa-rampa maya'na iamintu rampa-rampa mabau', nampa nitarawang ri pa'jerakkanna sikamma karaenga ri Kota Daud. Nampa untu' tanra pappakalompo mae ri ia, apparinrai pepe' sannaka lompona ra'yaka.

PAMMUJI 45:8

Nungai katojenganga siagang nukabirisi kaja'dallanga; lanri kammana, Allata'ala, Allata'alata Napile mako, siagang Napakate'ne mako la'biangang na karaeng maraenga.

PANGNGEBARANG 7:17

siagang le'ba'mi kusarei minynya'-minynya' bau' muru', candana, siagang kayu te'ne.

KELONG MALA'BIRI' 1:13

Tanringku rapangi muru' rasa mabau'na, ri wattu anra'bana ri barambangku.

KELONG MALA'BIRI' 4:14

narwastu, kunyi', kayu te'ne siagang ta'bu, siagang sangka' rupa poko' kayu kamanynyang. Muru' siagang gaharu, siagang sangka' rupa rampa-rampa nipilea.

KELONG MALA'BIRI' 4:6

Eroka' mange ri moncong muru', mange ri bulu' kamanynyang, sa'genna ammiri' anging bari'basaka, napa'lanynya' sassanna bangngia.

MATIUS 12:20

TalaNata'bangai bulo ta'dundua TalaNabunoai kanjoli ca'dia rinrana. Lappattujuangi sa'genna a'rupa kaadelanga;

MATIUS 19:30

Mingka jai tau ri dallekanga ri kamma-kammaya anne la'jari tau ri boko dudui sallang. Na tau ri boko dudua ri kamma-kammaya anne la'jari tau ri dallekang dudui sallang.”

MATIUS 2:11

Antama'mi ke'nanga ri pammantanganna anjo Anaka. Nabuntulu'mi anjo Anaka siagang Maria amma'Na. Su'ju'mi ke'nanga anynyomba ri anjo Anaka. Nampa massing nasungke roko'-roko'na ke'nanga, namassing assare koro'bang, iamintu bulaeng, kamanynyang, siagang mur.

MARKUS 16:1

Ri wattunna allalomo allo Pammari-marianga, a'lampami Maria Magdalena, Maria amma'na Yakobus, siagang Salome, mange ammalli minynya'-minynya', untu' lanapake amminynya'-minynyaki maya'Na Isa ri jeraka.

YOHANES 12:3

Battumi Maria angngerang minynya'-minynya' sannaka bau'na, kira-kira nia' sitangnga litere' jaina, sannaka ka'jala'na ballinna. Napatiri'mi anjo minynya'-minynyaka ri bangkenNa Isa, nampa nalu'lu' siagang uu'na. A'jari bau' ngasemmi niara' lalang sibatu balla' napakamma anjo minynya'-minynyaka.

YOHANES 12:7

Mingka Nakanamo Isa, “Boli'mi kamma nappakamma anjo bainea! Nagaukang minne untu' allo lanitarawangKu.