YOHANES 19:26 - KITTA' MATANGKASA'

²⁶ Nacini'Na Isa amma'Na siagang anjo ana' gurunNa Nakamaseanga ammenteng anjoreng, Nakanamo ri amma'Na, “Amma', anjo mae anatta.”

YOHANES 19:26 ပူးပေါင်းရင်းမြစ်များ

YOHANES 13:23

Anjo ana' guru Nakamaseanga Isa niaki ammempo ri sa'rinNa Isa.

YOHANES 2:4

Appialimi Isa Nakana, “Teaki' suroiA' amma'. Tenapa narapiki wattunna laKupakabateang KalengKu.”

YOHANES 20:2

Jari larimi mange amboyai Simon Petrus siagang anjo ana' guru Nakamaseanga Isa, nampa nakana ri ke'nanga, “Nia' le'ba' angngallei maya'Na Batara, natakuassengai angkana kemaei naboli'.”

YOHANES 21:20

Ri wattunna assaile Petrus, nacini'mi anjo ana' guru Nakamaseanga Isa nia' ri bokona. (Iaminne anjo ana' guru a'reppeseka ri Isa ri wattunna angnganre bangngi ke'nanga siagang akkuta'nanga ri Isa angkana, “O Batara inai ero' lampasikongkolangKi' Batara?”)

YOHANES 21:24

Iaminjo ana' gurua assarea kasa'biang ri passala'na ngaseng anne apa-apa kajarianga. Iatommi antulisiki anjo kasa'bianga. Na niasseng angkanaya kontutojengi anjo apa napaua.

YOHANES 21:7

Nakanamo anjo ana' guru Nakamaseanga Isa ri Petrus, “Batara anjo!” Nalangngere'na Simon Petrus angkanaya Batara anjo, napakemi bajunna (nasaba' tena na'baju anjo wattua) nampa a'lumpa' naung ri je'neka.