YOHANES 19:19 - KITTA' MATANGKASA'

¹⁹ Ri kayu salli'Na Isa nia' nasuro tannang Pilatus tulisang angkanaya: “Isa battu ri Nazaret, Karaenna Tu Yahudia”.

YOHANES 19:19 ပူးပေါင်းရင်းမြစ်များ

MATIUS 2:23

Anjoremmi ammantang ke'nanga, ri se'reang kota nikanaya Nazaret. Lanri kammana, a'rupami apa le'baka napau na'bi-na'bia ri passala'na anjo Anaka angkanaya, “Lanigallaraki Tu Nazaret.”

MATIUS 27:37

Ri tompo' ulunNa Isa, nia' natannang ke'nanga tulisang angkanaya, “Iaminne Isa, Karaenna tu Yahudia”. Iaminjo tattulisika nituduangi Isa.

MARKUS 15:26

Irateang ri kayu sallika nia'mo nitannang tulisang angkanaya: “Karaeng Tu Yahudia.” Iaminjo tattulisika kasalang nituduangi Isa.

LUKAS 18:37

Nakanamo ke'nanga ri anjo tau butaya, “Isa, anjo tu Nazaretka, niaki numalo.”

LUKAS 23:38

Irateang ri anjo kayu salli'Na Isa, nia' tattulisi' angkanaya: “Iaminne Karaenna tu Yahudia.”

YOHANES 1:49

Nakanamo Natanael, “Bapa' Guru, iKattemi Ana'Na Allata'ala! IKattemi Karaenna bansa Israel!”

YOHANES 18:33

Ammotere'mi antama' Pilatus ri balla' lompoa nanakio' Isa, nampa nakuta'nang angkana, “Apaka iKaumi Karaeng tu Yahudia?”

YOHANES 19:12

Nalangngere'na Pilatus akkana kamma Isa, a'boyami cara antekamma nakkulle nalappassang Isa. Mingka ammarrang-marrammi tu Yahudia, angkana, “Punna kilappassangi antu Taua, teaiki' aganna Karaenga! Inai-nai nakana kalenna karaeng, iami musunna Karaenga!”

YOHANES 19:14

Anjo wattua a'birimmi tette' sampulo anrua ri tangngana alloa, iamintu allo rioloanganna Allo Lompo Paskaya. Nakanamo Pilatus ri yangaseng anjo taua, “Anne karaennu.”

YOHANES 19:21

Nakanamo imang-imang kapalaya ri Pilatus, “Teaki' tulisiki angkana, ‘Karaenna tu Yahudia’, mingka tulisiki angkana, ‘Anne Taua Nakana KalenNa, iNakke Karaenna tu Yahudia.’ ”

YOHANES 19:3

Nampa a'mole-mole ke'nanga battu ri dallekanNa Isa angkana, “La'bu lalo umurutTa, karaenna tu Yahudia!” Nampa natempaka'rang ke'nanga Isa.

LAMPA-LAMPANA 26:9

Uru-uruna, manna inakke kukana tonja musti nigaukangi sikamma apa nikullea nigaukang angngewai anjo Isa battua ri Nazaret.

LAMPA-LAMPANA 3:6

Mingka nakanamo Petrus ri anjo tau pesoka, “Tena sikali doekku. Mingka apa niaka ri nakke, iaminjo lakusareangko: Lanri koasaNa Isa Almasi, battua ri Nazaret, kukana ri kau a'jappa mako!”