YOHANES 19:17 - KITTA' MATANGKASA'

¹⁷ Assulu'mi Isa ampisangi kayu salli'Na, Naerang mange ri tampa' niarenga “Tampa' Tangkora'”. (Lalang bicara Ibrani nikana Golgota.)

YOHANES 19:17 ပူးပေါင်းရင်းမြစ်များ

PA'JARIANG 22:6

Napapisangiammi Abraham ri salangganna Ishak anjo kayu untu' tunuang koro'banga. Na kalenna angngerammi lading siagang bara pepe' untu' kayu tunuanga. Ri wattu a'jappanamo ke'nanga sipa'rua,

1 KARAENG-KARAENG 21:13

Nia'mo rua pajaba' ammempo assidallekang siagang Nabot. Na ri dallekanna tujaia nitudumi angkanaya natunrai Allata'ala siagang karaenga. Lanri kammana anjo nierammi assulu' ri pantaranganna kotaya nampa nisambila batu sa'genna mate.

KAIMANGNGANG 24:14

“Erangi anjo taua assulu' ri pantaranganna kemaya. Sikamma tau le'baka allangngereki attunra anjo taua, musti napadongkoki limanna ri tompo' ulunna anjo taua nampa anjari sa'bi angkanaya salai anjo taua. Nampa sikontu ummaka musti nasambilai batu anjo taua sa'genna mate.

MATIUS 10:38

Siagang inai-nai taeroka ampisangi salli'na nampa amminawang ri Nakke, tasiratanga tongi amminawang ri Nakke.

MATIUS 16:24

Nampa Nakana Isa mae ri ana'-ana' gurunNa, “Tau eroka amminawang ri Nakke takkulleai tanapariboko kaparalluang kalenna, nanapisang salli'na, nampa amminawang tuli ri Nakke.

MATIUS 27:37

Ri tompo' ulunNa Isa, nia' natannang ke'nanga tulisang angkanaya, “Iaminne Isa, Karaenna tu Yahudia”. Iaminjo tattulisika nituduangi Isa.

MARKUS 10:21

Nacinikimi Isa anjo taua na Nakamaseang. Nampa Nakana ri ia, “Se'repi nuparalluang. A'lampamako ambalukangi barang-barannu; nampa nupassareang doe'na mae ri tu kasi-asia, nanugappa pa'barang-barangang niaka ri suruga. Le'baki anjo ammotere' mako mae numminawang ri Nakke.”

MARKUS 15:26

Irateang ri kayu sallika nia'mo nitannang tulisang angkanaya: “Karaeng Tu Yahudia.” Iaminjo tattulisika kasalang nituduangi Isa.

MARKUS 15:32

Punna ma'nassa karaenna memang tongi tu Israelka, Karaeng Mappasalamaka, baji'mi punna Napanaung KalenNa battu ri anjo kayu sallika, sollanna na nicini' nakitappa' todong ri Ia!” Kammayatompa anjo tau naaganga Isa nisalli', katuru'-turukang tommi anghinai Isa.

MARKUS 8:34

Nampa Nakio' Isa anjo tau jai niaka anjoreng, siagang ana'-ana' gurunNa. Nampa Nakana ri ke'nanga, “Tau eroka amminawang ri Nakke, musti nakaluppai kaparalluang kalenna, nampa napisang salli'na, natulusu' amminawang ri Nakke.

LUKAS 14:27

Inai-nai taeroka ampisangi salli'na namminawang ri Nakke, takkulleai a'jari ana' gurungKu.

LUKAS 23:26

Nierammi Isa ri ke'nanga. Ri tangngana aganga, sibuntulu'mi ke'nanga siagang sitau bura'ne, niarenga Simon. Anne Simon tau battu ri Kirene, sitabangi ero' antama' ri kotaya. Nijakkala'mi Simon ri ke'nanga, nampa nipassa ampisangi anjo kayu sallika ri bokoNa Isa.

LUKAS 23:33

Ri wattunna battu ke'nanga mange ri tampa' niarenga “Tangkora',” nisalli'mi Isa siagang anjo ruaya tau ja'dala' – sitau ri kanang na sitau ri kairinna Isa.

LUKAS 23:38

Irateang ri anjo kayu salli'Na Isa, nia' tattulisi' angkanaya: “Iaminne Karaenna tu Yahudia.”

LUKAS 9:23

Le'baki anjo Nakanamo mae ri yangaseng tau niaka anjoreng, “Inai-nai ero' amminawang ri Nakke, musti nakaluppai rolong kaparalluang kalenna, musti napisangi salli'na allo-allo, nampa tuli amminawang ri Nakke.

YOHANES 19:13

Nalangngere'na Pilatus kana-kana kammaya anjo, naerammi Isa assulu' nampa ammempo ri kadera pangadelanga, ri tampa' niarenga Dapara' Batu. (Lalang bicara Ibrani niarengi Gabata.)

YOHANES 5:2

Anjoreng ri Yerusalem, ri ampi'na tampa' niarenga “Pakke'bu' Gimbala',” nia' se're balang, niarenga Betsaida lalang bicara Ibranina. Anjoreng nia' lima paladang.

LAMPA-LAMPANA 7:58

Nare'resammi ke'nanga Stefanus assulu' battu ri kotaya nampa namanang-manangngi nasambila batu. Naboli'mi pakeanna anjo tau ancinikai anjo apa kajarianga mae ri se'rea tu rungka niarenga Saulus.