YOHANES 19:15 - KITTA' MATANGKASA'

¹⁵ Ammarrang-marrammi ke'nanga, angkana, “Bunoi! Bunoi! Allei Salli'!” Akkuta'nammi Pilatus nakana, “Maka musti inakke ansalliki karaennu?” Appialimi imang-imang kapalaya angkana, “Tena ruanna karaeng pantaranganna Karaenna ikambe!”

YOHANES 19:15 ပူးပေါင်းရင်းမြစ်များ

PA'JARIANG 49:10

Yehuda lanna'gala' takkang kakaraengang. Turunganna lammarenta satunggu-tungguna. Bansa-bansaya langngerangi passare, nasu'ju' tundu' ri dallekanna.

MATIUS 22:17

Lanri kammana, Kipausai bedeng: Manuru' atoranna agamata, maka siratangki' a'bayara' sima ri Karaenga yareka tena?”

LUKAS 23:18

A'rappungang ngasemmi tau jaia anjoreng, siagang ammarrang-marrammi ke'nanga angkana, “Bunoi! Lappassammi Barabas untu' ikambe!” (

YOHANES 18:31

Nakanamo Pilatus ri ke'nanga, “Allemi anne Taua nampa nuadeli situru' undang-undanna agamanu!” Mingka appialimi anjo tu Yahudia, angkana, “Tena nanikellaiki' ikambe anghukkung matei taua.” (

YOHANES 19:6

Ri wattunna nacini' imang-imang kapalaya siagang pangawalaka ngaseng anjo Isa, ammarrang-marrammi ke'nanga, angkana, “Allei salli'! Allei salli'!” Nakanamo Pilatus ri ke'nanga, “Allemi anne Taua nampa ikau tommo ansalliki. Nasaba' inakke tena kugappa kasalanNa manna sirupa.”

LAMPA-LAMPANA 13:28

Manna takkullea ke'nanga anggappa kasalang ri Isa, ampassiratangai nihukkung mate, mingka kammaji napala'na ke'nanga ri Pilatus, sollanna nibuno anjo Isa.

LAMPA-LAMPANA 21:36

Nipinawammi ke'nanga ri sikamma anjo tau apparicua. Akkiok-kio'mi anjo tau apparicua angkana, “Allei buno!”

LAMPA-LAMPANA 22:22

Appilangngeri ngasengi anjo tau jaia ri wattunna a'bicara Paulus. Mingka nalangngere'na ke'nanga anjo kala'busang kananna Paulus, ammarrang-marrammi ke'nanga angkana, “Bunoi anjo tau kammaya. Tena nasiratang attallasa'!”