YOHANES 18:40 - KITTA' MATANGKASA'

⁴⁰ Appialimi siagang ammarrang-marrammi ke'nanga, angkana, “Tena, teaki' Ia kilappassang, mingka Barabas!” (Anjo Barabas, iami paella'.)

YOHANES 18:40 ပူးပေါင်းရင်းမြစ်များ

MATIUS 26:55

Nampa Nakanamo Isa ri anjo tau jaia, “Apaka nucini' ja'dalakKa' numassing angngerang kamma pa'dang siagang palu-palu battu anjakkalakKa'? Allo-alloKu angngajara' lalang ri Balla'Na Allata'ala natena nujakkalakKa'!

MATIUS 27:16

Anjo wattua nia' se're tu nihukkung, a'la'banga niasseng kaja'dallanna ri tau jaia. Arenna iamintu Isa Barabas.

MATIUS 27:26

Nalappassammi Pilatus anjo Barabas. Nampa nasuro taua ancamboki Isa; nampa napassareang nierang mange nisalli'.

MARKUS 15:15

Lanri eroki napakasannang Pilatus nyawana anjo tau jaia, nalappassammi Barabas. Nampa nasuro taua ancamboki Isa, nampa napassareang nasuro salli'.

MARKUS 15:7

Lalang ri tarungkua jai tau nitarungku passabakkang pammunoang siagang appare' karicuang ri pa'rasanganga. Nia' kalase'renna niarenga Barabas.

LUKAS 23:25

Nanilappassammo anjo tau napalaka ke'nanga, iamintu tau nitarungkua passabakkang apparicua ri kotaya siagang passabakkang pammunoang. Nampa nipassareang Isa mae ri ke'nanga sollanna appanggaukang ke'nanga mae ri Ia situru' ero'na ke'nanga.