YOHANES 18:32 - KITTA' MATANGKASA'

³² Kajariammi anne kammaya, sollanna a'rupamo apa le'baka Napau Isa, ri passala' antekamma bateNa lamate.)

YOHANES 18:32 ပူးပေါင်းရင်းမြစ်များ

PAMMUJI 22:16

Kalotoro'mi karro'-karrokku sanrapang kaca ancuruka, a'dakki'mi lilaku ri nga'ngalakku. O, Batara, angngapa naKibokoia' irate ri limbu'buka sanrapang tau mateamo.

MATIUS 20:19

nanipassareang ri tau teai bansa Yahudi. Lanicau-caui ri ke'nanga, lanisessai, nampa nisalli' ri ke'nanga. Mingka ri makatalluna alloa lanipabangungi pole ammotere'.”

MATIUS 26:2

“Nuassemmi angkanaya ruangallo mami naallo Lompo Paska, nalaniallemi nipassareang Ana' Ma'rupataua nampa nisalli'!”

MARKUS 10:33

Nakana, “Pilangngeri anne; kamma-kamma anne a'lampa maki' mange ri Yerusalem. Anjoreng lanipassareammi Ana' Ma'rupataua mae ri imang-imang kapalaya siagang guru-guru agamaya. Lanihukkung matei, nampa nipassareang mae ri tu kapereka.

YOHANES 10:31

Angngallemi pole batu ke'nanga ero' ansambilai Isa.

YOHANES 10:33

Appialimi anjo tu Yahudia nakana, “Teai lanri yangasenna anjo panggaukang baji'Nu naniero' ansambilaKo batu, passangalinna lanri Nuhinana Allata'ala. Ikau a'rupatau biasaya, erokKo ampa'jari KalenNu Allata'ala?”

YOHANES 13:18

Tena nanataba ngasengko anne apa Kupabattua. Kuassemmi angkanaya inai-nai le'ba' Kupilei. Mingka musti a'rupai apa niaka tattulisi' lalang ri Kittaka, iamintu, ‘Tau Kuaganga sipangnganreang, la'jari musui ri Nakke.’

YOHANES 18:31

Nakanamo Pilatus ri ke'nanga, “Allemi anne Taua nampa nuadeli situru' undang-undanna agamanu!” Mingka appialimi anjo tu Yahudia, angkana, “Tena nanikellaiki' ikambe anghukkung matei taua.” (

YOHANES 21:19

(Lalang akkana kammana anjo Isa, Napaumi angkanaya antekamma sallang batena lamate Petrus lanri ero'na ampakala'biriki Allata'ala.) Le'baki anjo, Nakanamo Isa ri Petrus, “Amminawang mako ri Nakke!”

YOHANES 3:14

Antekamma batena napanai' Na'bi Musa ulara' tambagaya ri sipolong kayu, wattunna nia' ri parang lompoa, sangkamma tomminjo batena lanipanai' Ana' Ma'rupataua;

YOHANES 8:28

Jari Nakanamo Isa ri ke'nanga, “Punna nipakatinggimi sallang Ana' Ma'rupataua, lanuasseng ngasemmi angkanaya, ‘INakkeminne nikanaya INAKKE NIA'.’ Siagang lanuassemmi angkanaya tena manna sirupa apa Kugaukang lanri ero' KalengKu. Mingka poro apa battuaji bawang ri Manggea Kupangngajarrang.

LAMPA-LAMPANA 7:59

Lalang nasambilana ke'nanga Stefanus, akkio'mi Stefanus, nakana, “O Batara Isa, Kitarimami nyawaku!”

GALATIA 3:13

Mingka le'ba' maki' Napakabella Almasi battu ri pangngalarroiNa Allata'ala lanri hukkung-hukkung agamaya. Napassareammi KalenNa nituju ri pangngalarroia passabakkang ikatte. Nasaba' nia' tattulisi' lalang ri Kittaka angkanaya, “Cilakami tau mate nigentunga irate ri kayu sallika.”

PAOLE 21:23

anjo mayaka takkulleai niboli' anjoreng sila'busu' bangngi, mingka musti nitarawang memangi anjo wattua. Maya' ammantanga ta'gentung ri bentenga appabattui pattunra battu ri Allata'ala mae ri anjo pa'rasanganga. Jari, tarawangi anjo mayaka sollanna tena nara'massi pa'rasangang Napassareanga Karaeng Allata'alanu mae ri kau.