YOHANES 18:28 - KITTA' MATANGKASA'

²⁸ Ri bari'basa' dudua naerammi ke'nanga Isa battu ri balla'na Kayafas mange ri balla' lompona guburnurka. Sikamma tu Yahudia tena nantama' ri balla' lompoa, sollanna tena na'jari ra'masa' situru' ajarang agamana ke'nanga. Nasaba' eroki ke'nanga amminawang angnganre Paska.

YOHANES 18:28 ပူးပေါင်းရင်းမြစ်များ

PAMMUJI 35:16

Tena nammari-mari ke'nanga ancau-caua', siagang birisi' sikali ancinikia'.

PANGNGEBARANG 1:16

Tena nalammakkang ke'nanga punna tenapa na'gau' ja'dala'. Eroki akkaro-karo ke'nanga ammuno.

PANGNGEBARANG 4:16

Tau ja'dalaka takkulleai attinro punna tenapa nagaukangi apa tenaya nabaji'. Tata'do'dokai ke'nanga punna tenapa nabalai paranna tau.

YEHEZKIEL 45:21

Ri tanggala' sampulo angngappa' bulang se're, musti nupakalompoi Allo Passua'-suarranna Paskaya. Tuju allo sikontu taua musti angnganrei roti tenaya nammake pa'gambang.

MIKHA 2:1

Cilakai tau a'rancanaya kaja'dallang lalang attinrona ri katinroanga ri wattu bangngia, nampa nagaukang anjo rancanana ammukona bari'basa' lanri nia'na pakkullena untu' anggaukangi.

MATIUS 27:27

Le'baki anjo nierammi Isa ri surudaduna Pilatus antama' ri balla' lompona guburnurka. A'rappungang ngasemmi surudadua amparitangngai Isa.

MARKUS 15:16

Nierammi Isa ri surudadua mange ri balla' lompona guburnurka. Nampa nikio' ngaseng a'rappungang pasukanga.

LUKAS 22:66

Ri bari'basa'na, a'rappungammi pamimping-pamimpinna tu Yahudia, imang-imang kapalaya, siagang guru-guru agamaya, nampa naerang Isa mange ri dallekanna Pangadelang Agamaya.

YOHANES 11:55

Anjo wattua a'birimmi narapi' allo passua'-suarranna Allo Lompo Paskana tu Yahudia. Jaimi tau battu ri desa-desaya a'lampa mange ri Yerusalem ero' anggaukang pannangkasi kalea, ri tenanapa narapiki anjo allo passua'-suarranga.

YOHANES 18:13

Uru-uruna nierangi Isa ri ke'nanga mange andallekang ri Hanas, iamintu matoang bura'nena Kayafas. Na anjo Kayafas, iami a'jari imang lompo anjo taunga.

YOHANES 18:15

A'lampami Simon Petrus siagang sitau ana' guru maraengang amminawang boko ri Isa. Anjo ana' guru maraenganga niassengi ri imang lompoa; jari amminawammi antama' siagang Isa ri paranglakkenna balla' lompona imang lompoa.

YOHANES 18:33

Ammotere'mi antama' Pilatus ri balla' lompoa nanakio' Isa, nampa nakuta'nang angkana, “Apaka iKaumi Karaeng tu Yahudia?”

YOHANES 18:39

Mingka situru' kabiasannu ngaseng, tuli nia' se're tunitahang kulappassang ri Allo Lompo Paskaya. Maka ero' ngasenjako punna kulappassangi anne karaenna tu Yahudia untu' ikau ngaseng?”

YOHANES 19:11

Appialimi Isa Nakana, “Punna taNasareako' Allata'ala anjo koasanu, tena sikali koasanu mae ri Nakke. Lanri kammana, lompoangangi dosana tau ampassareangai KalengKu mae ri kau, kala ikau.”

YOHANES 19:14

Anjo wattua a'birimmi tette' sampulo anrua ri tangngana alloa, iamintu allo rioloanganna Allo Lompo Paskaya. Nakanamo Pilatus ri yangaseng anjo taua, “Anne karaennu.”

YOHANES 19:9

Jari ammotere'mi pole antama' ri balla' lompoa. Na ri wattunna nierammo Isa antama', akkuta'nammi Pilatus ri Ia, nakana, “Battu kemae assala'Nu?” Mingka tappialiai Isa.

LAMPA-LAMPANA 10:28

Le'baki anjo nakanamo ri ke'nanga, “Nuasseng ngasenji sari'battang, angkanaya situru' ajarang agamana tu Yahudia, tanipa'biangai ke'nanga angkunjungi balla'na bansa maraenga, yareka assileo' siagang bansa maraenga. Mingka le'ba'ma' Napabattuang Allata'ala, angkanaya takkulleai kucini' ra'masa' yareka harang tau maraenga.

LAMPA-LAMPANA 10:32

Jari suromi taua mange ri Yope angkioki tau niarenga Simon Petrus. Kamma-kamma anne niaki a'bangngi ri balla'na se'rea pajama kukkulu', niarenga Simon; anjo ballaka anjorengi ri biring tamparanga.’

LAMPA-LAMPANA 11:3

Nakana ke'nanga ri Petrus, “Angngapa nu'lampa todong mange ri balla'na tu tenayapa nisunnaki? Ba'lalo sipangnganreang tongko siagang ke'nanga!”

LAMPA-LAMPANA 3:13

Allata'ala nasombaya Abraham, Ishak, Yakub, Allata'alana boeta, Iaminjo Allata'ala ampakalompoai Ana'Na, iamintu Isa. Iaminjo Isa le'baka nupassareang ri pamarentaya, siagang numusua ri dallekanna Pilatus, ri wattunna ero' nilappassang ri Pilatus.

LAMPA-LAMPANA 4:27

Nasaba' memang, a'rappungammi sipa'bicara Herodes, Pontius Pilatus, sikamma tu tenaya naassengi Batara, siagang tu Israel anrinni ri kotaya. A'rappungammi ke'nanga ero' angngewai Isa, Ana' matangkasatTa, le'baka Kiangka' a'jari Karaeng Mappasalama'.

PAOLE 16:2

A'lampako mange ri anjo tampa' ibadaya untu' anynyamballe sikayu gimbala'nu yareka sapinu salaku passare Paska untu' ampakala'biriki Karaeng Allata'alanu.