YOHANES 18:18 - KITTA' MATANGKASA'

¹⁸ Anjo wattua sanna' dinginna pakkasiaka. Jari apparinrami pepe' palayanga siagang pangawalaka ngaseng, nampa a'binrung ke'nanga. A'lampa tommi Petrus mange anjoreng ero' a'binrung siagang ke'nanga.

YOHANES 18:18 ပူးပေါင်းရင်းမြစ်များ

PA'JARIANG 49:6

Talamminawangnga' ri passitujuanna ke'nanga, kammayatompa ri pakkumpulanna ke'nanga. Saba' ammunoi ke'nanga lalang larrona, napara'bai sapi lakia untu' kasannanganna.

1 KARAENG-KARAENG 19:9

A'bangngimi Elia anjoreng lalang ri se'reang kali'bong batu. Nampa Nakanamo Batara ri ia, “Elia, apa nupare' anrinni?”

PAMMUJI 1:1

Mate'nei taua tenaya namminawang ri ero' tu ja'dalaka, tenaya namannuruki ri tu dorakaya na tenaya nasileo' siagang tu ampakatunayai Allata'ala,

PANGNGEBARANG 13:20

Tau assileporanga siagang tau cara'deka, la'jari cara'deki; tau assileporanga siagang tau toloa, lacilakai.

MARKUS 14:54

Amminawang battu bellami Petrus ri Isa sa'genna antama' ri paranglakkenna imang lompoa. Ammempomi anjoreng siagang pangawalaka ngaseng, a'binrung ri pepeka ambambangi kalenna.

MARKUS 14:67

Nacini'na anjo palayanga Petrus nia' anjoreng a'binrung ambambangi kalenna, naciniki baji'-baji'mi tanja'na. Nampa nakana, “Sai siagang tongko anjo Isa tu Nazaretka?”

YOHANES 18:25

Anjo wattua nia' iji Simon Petrus ammenteng a'binrung anjoreng ri tampa' napa'binrungia sumpaeng. Nakanamo taua ri ia, “Sai ana' gurunna tongko anjo Taua?” Assassala'mi Petrus nakana, “Teai nakke!”

YOHANES 18:3

Jari battumi Yudas mange anjoreng, angngerang se're pasukang tantara Roma siagang siapa are pangawala'na Balla'Na Batara. Iaminne ke'nanga nisuroa ri imang-imang kapalaya siagang tu Farisia. Angngerangi ke'nanga sanjata, lampu, siagang sulo.

YOHANES 21:9

Ri wattunna naung ke'nanga battu ri biseanga, nia'mo nacini' ke'nanga bara pepe'. Irate ri anjo bara pepeka nia' ta'dongko' juku' siagang roti.

LAMPA-LAMPANA 4:23

Ri wattunna nilappassammo Petrus siagang Yohanes, ammotere'mi ke'nanga mae ri agang-aganna ke'nanga. Nacaritami ke'nanga sikontu apa le'baka napau imang-imang kapalaya siagang pamimping-pamimpinna tu Yahudia mae ri ke'nanga.

1 KORINTUS 15:33

Teako eroki nitipu! Punna a'rappungangko siagang tau ja'dalaka, ma'nassa manna baji' sipa'nu mingka la'jari ja'dala' tommako.