YOHANES 18:13 - KITTA' MATANGKASA'

¹³ Uru-uruna nierangi Isa ri ke'nanga mange andallekang ri Hanas, iamintu matoang bura'nena Kayafas. Na anjo Kayafas, iami a'jari imang lompo anjo taunga.

YOHANES 18:13 ပူးပေါင်းရင်းမြစ်များ

MATIUS 26:3

Anjo wattua a'rappungammi imang-imang kapalaya siagang sikamma pinggawana tu Yahudia ri balla' lompona Imang Malompona Kayafas.

MATIUS 26:57

Le'baki najakkala' Isa, a'lampami ke'nanga angngerangi Isa mange ri balla'na Kayafas, Imang Lompoa. A'rappungang ngasemmi anjoreng sikamma guru-guru agamaya siagang sikamma pinggawana tu Yahudia.

LUKAS 3:2

Na a'jari imang-imang lompoa, iamintu Hanas siagang Kayafas Iaminjo taunga Na'bicara Allata'ala ri parang lompoa mae ri Yohanes, ana'na Zakharia.

YOHANES 11:49

Kalase'renna ke'nanga, iamintu niarenga Kayafas, imang lompoa anjo taunga, angkana, “Tena ngaseng apa-apa nuasseng.

YOHANES 11:51

Sikontutojenna, teai battu ri pikkirang kalenna nakkana kamma anjo Kayafas. Mingka salaku imang lompo anjo taunga napabattu la'bi riolomi angkanaya lamatei Isa untu' bansa Yahudia.

YOHANES 18:24

Le'baki anjo nasuromi Hanas taua angngerangi Isa siagang tassikko' limanNa mae ri Imang Lompoa iamintu Kayafas.

YOHANES 18:28

Ri bari'basa' dudua naerammi ke'nanga Isa battu ri balla'na Kayafas mange ri balla' lompona guburnurka. Sikamma tu Yahudia tena nantama' ri balla' lompoa, sollanna tena na'jari ra'masa' situru' ajarang agamana ke'nanga. Nasaba' eroki ke'nanga amminawang angnganre Paska.

YOHANES 19:11

Appialimi Isa Nakana, “Punna taNasareako' Allata'ala anjo koasanu, tena sikali koasanu mae ri Nakke. Lanri kammana, lompoangangi dosana tau ampassareangai KalengKu mae ri kau, kala ikau.”

LAMPA-LAMPANA 4:6

Assibuntulu' ngasemmi ke'nanga siagang Imang Malompoa iamintu Hanas, siagang Kayafas, Yohanes, Aleksander, kammayatompa sikontu bija ma'reppese'na anjo imang lompoa.