YOHANES 17:20 - KITTA' MATANGKASA'

²⁰ Teai untu' ia anne ke'nanga bawang naKuappala' doang. Mingka appala' doang tongA' untu' sikamma tau latappaka ri Nakke lanri kasa'bianna anne ke'nanga.

YOHANES 17:20 ပူးပေါင်းရင်းမြစ်များ

YOHANES 10:16

Nia' ija gimbala' maraeng, iNakke todong pata, mingka tantamayapi ri pa'rappunganna anne gimbalaka. Musti Kuerang tongi ke'nanga battu na lanapilangngeri todong sa'rangKu. La'jari sipa'rappungang ngasengi ke'nanga na se're pakalawaki napa'jului.

YOHANES 17:19

Kupassareammi KalengKu, iamintu tu nikatutuinTa, untu' kaparalluanna ke'nanga, sollanna akkulle todong ke'nanga a'jari ummatTa Kikatutuia, lanri katojenganga.

YOHANES 17:21

Kupalaki ri Katte Bapa', sollanna a'jari se're ngaseng anne ke'nanga, sangkamma iKatte siagang iNakke yareka iNakke siagang iKatte se're tonjaKi'. Poro asse're ngasengi ke'nanga mae ri Katte, sollanna akkulle tappa' linoa angkana iKatte assuroA' battu ri lino.

LAMPA-LAMPANA 2:41

Jaimi tau tappa' mae ri anjo napaua Petrus, nampa nije'ne'mo ke'nanga. Jari anjo alloa katambammi jaina tau tappaka a'jari tallussa'bu tau.

LAMPA-LAMPANA 4:4

Mingka jaimi tau le'bakamo allangngereki anjo napangngajarrang tunisuroa, a'jari tappa'. Katambammi jaina ke'nanga a'jari kira-kira limassa'bu tau.

ROMA 16:26

Mingka kamma-kamma anne, situru' passuroNa Allata'ala mannannunganga, le'ba'mi nipa'nyata siagang nipabattu anjo rancanaya mae ri sikontu bansa-bansaya, iamintu le'baka natulisi' na'bi-na'bia, sollanna tappa' ngaseng siagang mannuruki ngaseng ke'nanga mae ri Allata'ala.

EFESUS 4:11

Iami “assarei sikamma passarea mae ri rupataua”; nia' Nasare pangngellai a'jari tunisuro, na maraenganga Nasare pangngellai a'jari na'bi; maraengannaya pole Nasarei pangngellai a'jari paerang Kabara' Baji'; na maraengannaya pole Nasarei pangngellai a'jari tummarakai jama'ah siagang a'jari guru.