YOHANES 17:14 - KITTA' MATANGKASA'

¹⁴ Le'ba'mi Kupabattu mae ri ke'nanga kananTa; nanikabirisimo ke'nanga ri linoa, lanri teai anne linoa ampatangi ke'nanga, sangkamma iNakke, teai anne linoa ampatangA'.

YOHANES 17:14 ပူးပေါင်းရင်းမြစ်များ

PA'JARIANG 3:15

Lasikabirisiko siagang anne bainea. Sossorannu siagang sossoranna latuli simusui. Laniancuruki ulunnu ri sossoranna, nalanukokko' kacunu'na ke'nanga.”

PANGNGEBARANG 29:27

Tau bajika tena nasannang mae ri ja'dalaka; tau ja'dalaka nakabirisi tau bajika.

ZAKHARIA 11:8

Nia' tallu pakalawaki angkabirisia' nanapaccappu' kasa'barangku. Kubongkai ke'nanga lalang wattu sibulang.

MARKUS 10:39

Appialimi ke'nanga angkana, “Nakulleji ikambe.” Jari angkanami pole Isa ri ke'nanga, “Langnginung memang jako battu ri pangnginungang rassia passessa laKuinunga. Siagang lantama' tonjako ri pammantangang jaia passessa laKupantamakkia.

YOHANES 17:16

Sangkammai iNakke teai anne linoa ampatangA', kammatommi anjo ke'nanga teai linoa ampatangi.

YOHANES 17:8

Le'ba'mi Kupabattu ri ke'nanga kana-kana Kipabattua mae ri Nakke, nanatarimamo ke'nanga. Naassemmi ke'nanga, angkanaya iNakke ma'nassa iKatte Kukabattui, siagang tappa'mi ke'nanga angkanaya iKatte assuroA' battu ri linoa.

YOHANES 7:7

Tena olonu lanakabirisi anne linoa. Mingka iNakke nakabirisi memangA' anne linoa, lanri tuli Kupauanna anne linoa angkanaya ja'dalaki panggaukanna.

YOHANES 8:23

Nakanamo Isa ri ke'nanga, “Ikau ngaseng battu rawako; mingka iNakke battu rateA'. Ikau ngaseng tau battuko ri linoa; iNakke teaiA' tau battu ri linoa.

1 YOHANES 3:12

Teako sangkammai Kain, ia battua ri I Ja'dala' assala'na, siagang ambunoai sari'battang kalenna. Apa saba'na nanabuno Kain sari'battanna? Nasaba' salai anjo apa-apa nagaukanga mingka annabai anjo apa-apa nagaukanga sari'battanna.

1 YOHANES 3:13

Lanri kammana, sikamma sari'battangku, teako lannasakki punna nakabirisiko tu linoa anne.