YOHANES 16:26 - KITTA' MATANGKASA'

²⁶ Anjo wattua lappala' mako mae ri Manggea lalang arengKu. Parallui nuasseng angkanaya tena nalaKupappalakkangko mae ri Manggea,

YOHANES 16:26 ပူးပေါင်းရင်းမြစ်များ

YOHANES 14:16

LaKupalaki ri Manggea, sollanna Nasareko Pannulung maraeng, eroka ammantang siagang ikau ngaseng sa'genna satunggu-tungguna.

YOHANES 14:20

Punna narapi'mo wattunna anjo alloa, lanuassemmi angkanaya iNakke asse'reA' siagang Manggea, ikau ngaseng asse'reko siagang iNakke, na Kuasse're siagang ikau ngaseng.

YOHANES 16:19

Naassengi Isa angkanaya eroki ke'nanga akkuta'nang ri KalenNa. Jari Nakanamo, “Sumpaeng Kukana, ‘Sinampe' dudu mami natakkulleaMa' lanucini'; sinampe' dudu maMa' lakkulle nucini'.’ Iaka anjo passalaka massing nubicara?

YOHANES 16:23

Ri anjo alloa sallang, tenamo nulakkuta'nang apa-apa mae ri Nakke. Tappa' mako angkanaya: apa-apa mamo nupala' mae ri Manggea lalang arengKu, laNapassareangi Manggea mae ri kau.

YOHANES 16:30

nanaasseng ikambe angkanaya sikontu apa-apaya Kiasseng ngasengi, Batara. Tena naparallu taua ampakkuta'nangangi ri Katte. Iaminjo saba'na natappa'mo ikambe angkanaya iKatte battuKi' ri Allata'ala.”

YOHANES 17:19

Kupassareammi KalengKu, iamintu tu nikatutuinTa, untu' kaparalluanna ke'nanga, sollanna akkulle todong ke'nanga a'jari ummatTa Kikatutuia, lanri katojenganga.

YOHANES 17:24

Bapa', erokKa' angkanaya sikamma anjo tau Kipassareanga ri Nakke, lassiagang ngasengA' anjoreng ri tampa' Kupammantangia, sollanna akkulle nacini' ke'nanga kala'birangKu. Iamintu kala'birang Kipassareanga mae ri Nakke, lanri Kikamaseang memamMa' ri tenanapa nanipa'jari anne linoa.

YOHANES 17:9

Kupappala' doangangi ke'nanga. Teai untu' linoa naKuappala' doang, passangalinna untu' sikamma tau Kipassareanga mae ri Nakke, nasaba' iKatte pata anjo ke'nanga.

ROMA 8:34

Maka lania' tau ampasalaki'? KalenNa Isa Almasi sallang angngalle-ngalleangki'. KalenNami le'ba' mate, kammayatompa KalenNami le'ba' nipattallasa' poleang ammotere' battu ri kamateanga siagang nia'mi ri sa'rinNa Allata'ala iamintu ri tampa' makoasaya.