YOHANES 16:20 - KITTA' MATANGKASA'

²⁰ Tappa' mako angkanaya, langngarrukko siagang lappiraungko, mingka larannui linoa. Lasusai pa'mai'nu, mingka lanipinrai kasusannu a'jari karannuang.

YOHANES 16:20 ပူးပေါင်းရင်းမြစ်များ

AYUB 20:5

karannuanna tau ja'dalaka poro sinampe'ji bawang, siagang kasannanganna tau dorakaya sipakkida mataji?

PAMMUJI 30:11

Kipilangngeria', o, Batara, siagang Kikamaseang laloa'. O, Batara, Kitulung laloa'!”

PAMMUJI 30:5

Kelongangi lagu pammuji-mujia mae ri Batara, he, umma'Na tamamminraya, siagang appala' sukkurukko mae ri Kaminang Matangkasaka.

PAMMUJI 97:11

Ammumbami singaraka mae ri tau tulusuka pa'mai'na, siagang karannuanga mae ri tau lambusuka.

YESAYA 12:1

Lania' sallang se're wattu nukkelong: “O, Batara, appala' sukkurukka' mae ri Katte lanri Kisaleoringku. Riolo larroKi' mae ri nakke, mingka kamma-kamma anne ammarimi larroTa.

YESAYA 61:3

untu' assarei karannuang siagang kate'neang pa'mai' sikamma tau si'naya siagang tau susaya; untu' ampinrai si'nana ke'nanga a'jari kelong pammuji. Larapangi ke'nanga poko' kayu nilamunga ri KalenNa Batara. Lanagaukangi ke'nanga apa bajika siagang annabaya, sa'genna nipakala'biri' Batara.

YESAYA 66:5

Pilangngeri apa Napaua Batara, he ikau mallaka siagang mannurukia mae ri Ia, “Lanri tamamminranu mae ri Nakke, nia' ri bansanu angkabirisiko, na taeroka ansileporangko. Nacau-cauko ke'nanga na nakana, ‘Lappassammi Napappicinikang Batara kala'biranNa, sollanna nacini' ikambe karannuannu.’ Mingka kalenna tonji ke'nanga anggappa siri'-siri'.

YEREMIA 31:25

Ia mangnganga laKupakabajiki pakkasia'na, siagang ia posoa lanri cipuru' laKupakabassoroki.

MATIUS 21:38

Mingka nacini'na ke'nanga anjo ana'na patanna koko nakanamo para ia, ‘Iaminne ana'na, warisi'na patanna koko. Umba nibunoi nampa nialleang warisi'na!’

MATIUS 5:4

Mate'nei tau susaya pa'mai'na; nasaba' iami lanisaleori ri Allata'ala!

MARKUS 14:72

Anjo wattua attingkokomi pole janganga makapinruanna. Na nau'rangimi Petrus angkanaya le'baki angkana Isa ri ia, angkana, “Ri tenanapa nattingkoko makapinruang janganga, pintallumMa' nusassali.” Angngu'ranginna Petrus, a'lampami angngarru' tassunge'nge'-nge'nge'.

MARKUS 16:10

A'lampami Maria ampabattuangi agang-aganNa Isa anjo apa kajarianga, sitabanga susa siagang angngarru'. Le'baki anjo, KalenNa Isa tete ri ana'-ana' gurunNa ampa'la'bangi battu raya sa'genna kalau' anjo kabara' matangkasaka siagang mannannunganga ri passala'na kasalamakkang satunggu-tunggua.]

LUKAS 22:45

Le'baki appala' doang, ammotere'mi Isa mae ri ana'-ana' gurunNa. Narapikammi ana'-ana' gurunNa attinro ngaseng napakamma sanna' ngaseng mangnganna.

LUKAS 22:62

Jari assulukammi Petrus, nangngarru'-arru' tassunge'nge'.

LUKAS 23:27

Jai tau amminawang a'jappa ri bokoNa Isa – nia' todong siapa are bai'-baine. Angngarru'mi anjo bai'-bainea angkarruki Isa.

LUKAS 24:17

Nakanamo Isa ri ke'nanga, “Apa kutadeng nubicara sipa'rua ri tangngana anne aganga sumpadeng?” Ammantammi ke'nanga, na si'na tanja'na nicini'.

LUKAS 24:21

Na sikontutojenna niminasai angkanaya Iami lallappassangi bansa Israelka. Na anne alloa makatallungallonami le'ba'na kajariang anjo passalaka.

LUKAS 6:21

Mate'ne ngasengko tau cipuruka ri kamma-kammaya anne; nasaba' lanibassoriko sallang! Mate'ne ngasengko tau angngarruka ri kamma-kammaya anne; nasaba' lammakkalakko sallang!

YOHANES 16:33

Kupau ngasengi anne mae ri kau, sollannu anggappa salewangang lanri asse're ngasengko siagang iNakke. Lasessako lalang ri linoa. Mingka jarreki pa'mai'nu! Le'ba'mi Kubeta anne linoa!”

YOHANES 16:6

Ba'lalo kamma-kamma anne a'jari si'nami atinnu, lanri Kupauna anne passalaka mae ri kau.

YOHANES 20:20

Le'baki akkana kamma, Napappicinikammi limanNa siagang sa'rinNa mae ri ke'nanga. Sanna' ngasemmi rannuna ke'nanga ri wattunna nacini' Batara.

LAMPA-LAMPANA 5:41

A'lampami anjo sikamma tunisuroNa Allata'ala ambokoi anjo sidang Pangadelang Agamaya. Sanna' ngaseng rannuna ke'nanga, lanri nipassiratammi ri Allata'ala ke'nanga angkasiaki paccallaya, lanri arenNa Isa.

ROMA 5:11

Ba'lalo la'biangampa pole, marannu tommi pa'maitta lanri kabajikanNa Allata'ala tete ri Batarata Isa Almasi. Nasaba' mannete ri Isa Almasi nanikasia'mo anjo passisambungang bajika siagang Allata'ala.

2 KORINTUS 6:10

Manna nanipakasi'na pa'maitta, mingka tuli rannujaki'. Kasi-asi maki' nicini', mingka jaimi tau nipa'jari kalumanynyang. Tena nicini' apa-apanta, mingka sikontutojenna nia' ngasemmi ri katte sikontu apa-apaya.

GALATIA 5:22

Mingka, punna nipimping ri RohNa Allata'ala taua, iaminne wassele'na: sikamaseangi ke'nanga, rannui, assiamaki, sa'baraki siagang lammoro' pa'maiki, bajiki ri paranna tau, majarreki,

1 TESALONIKA 1:6

Nucontoimi katallassanna ikambe siagang Batara. Manna teai sipato' pa'risi'na katallassannu, mingka nutarima tonji siagang rannu pa'mai'nu anjo kabara' napabattua ikambe mae ri kau ngaseng. Anjo karannuanga RohNa Allata'ala assareko.

YAKOBUS 1:2

Sikamma sari'battangku! Punna nukasia' a'rupa-rupaya paccoba, parallui nubilang upa' kalennu.

YUDAS 1:24

Allata'ala, Makoasaya anjagaiko sollanna tena nutu'guru' siagang Makoasaya angngerangko mae ri dallekang mala'biri'Na siagang rannu kammayatompa tena callannu,

PAPPICINI' 11:10

Lamarannui tuma'buttaya ri lino lanri matena anjo ruaya sa'bi. Lassua'-suaraki ke'nanga siagang massing lasikiringi ke'nanga hadia, lanri iaminjo ruaya na'bi le'ba' angngerang passessa mae ri sikontu rupataua ri lino.

PAPPICINI' 18:7

Sarei kasessang siagang kasusaang sangkammaya jaina siagang kalompoang nakala'biang nasareangai ri kalenna todong. Nasaba' tuli nakanana mae ri kalenna, ‘Inakke anne karaeng baine ammarentaya! Inakke teaia' janda; tena nalakukasia' nikanaya si'na!’