YOHANES 16:17 - KITTA' MATANGKASA'

¹⁷ Appakkaramulami massing sikuta'nang siapa area ana'-ana' gurunNa Isa, nakana, “Apa battuanna naNakana mae ri katte angkanaya: ‘Sinampe' dudu mami natakkulleaMa' nucini'; sinampe' dudu maMa' lakkulle nucini'’? Apa todong battuanna nangkana, ‘La'lampA' mae ri Manggea’?”

YOHANES 16:17 ပူးပေါင်းရင်းမြစ်များ

MARKUS 9:10

Napilangngerimi ke'nanga anjo pappasanga. Mingka appakkaramulami nabicara para ia ke'nanga apa battuanna anjo kananNa Isa angkanaya, “attallasa' poleangi battu ri kamateanga.”

MARKUS 9:32

Tanapahangai ana'-ana' gurunNa Isa anjo apa Napangngajaranga, mingka mallaki ke'nanga akkuta'nang ri Ia.

LUKAS 18:34

Mingka manna sike'de' tanapahangai ana'-ana' gurunNa anjo Nabicaraya Isa. Na Narahasiakang Isa battuanna anjo kana-kana Napabattua ri ke'nanga. Tanapahangai ke'nanga angkanaya passala' apa anjo Nabicaraya Isa.

LUKAS 9:45

Mingka tanapahangai ana'-ana' gurunNa anjo Nabicaraya Isa. Nirahasiakangi anjo passalaka mae ri ke'nanga sollanna tena napahangi ke'nanga. Mingka mallaki ke'nanga ampakkuta'nangangi anjo passalaka mae ri Isa.

YOHANES 12:16

Anjo wattua tanaassengapi ana'-ana' gurunNa Isa angkanaya apa ngaseng battuanna anjo kammaya. (Mingka ri wattunna nipakala'biri'mo Isa battu ri kamateanNa, nampami nau'rangi ke'nanga angkanaya anjo apa le'baka nagaukang taua ri Isa le'ba' memammi tattulisi' lalang ri Kittaka anjo apa kajarianga ri Ia.)

YOHANES 14:22

Akkuta'nammi Yudas (teai Yudas Iskariot) ri Isa nakana, “O Batara, angngapa naKiero' ampa'nyatai KalenTa ri kambe anne, mingka tena Kipa'nyatai KalenTa mae ri linoa?”

YOHANES 14:5

Nakanamo Tomas ri Isa, “O Batara, tanaassengai ikambe angkana la'lampa kemaeKi', jari antekamma lakkulle niasseng oloanga?”

YOHANES 16:1

Kupau ngasemmi anjo sikammaya mae ri kau, sollanna tena nummono' boko sallang.

YOHANES 16:16

“Sinampe' dudu mami natakkulleaMa' nucini'; sinampe' dudu maMa' lakkulle nucini'.”

YOHANES 16:18

Akkuta'nang mole-molemi ke'nanga angkana, “Apa battuanna anjo, ‘sinampe' dudu mami’? Tanipahangai angkanaya passala' apa anjo Nabicaraya!”

YOHANES 16:19

Naassengi Isa angkanaya eroki ke'nanga akkuta'nang ri KalenNa. Jari Nakanamo, “Sumpaeng Kukana, ‘Sinampe' dudu mami natakkulleaMa' lanucini'; sinampe' dudu maMa' lakkulle nucini'.’ Iaka anjo passalaka massing nubicara?

YOHANES 16:5

Mingka kamma-kamma anne la'lampaMa' mange ri Ia assuroa ri Nakke; na tena manna sitau battu ri kau ngaseng akkuta'nang angkanaya kemae laKulampai.