YOHANES 15:9 - KITTA' MATANGKASA'

⁹ Sangkamma bateNa Manggea angkamaseangA', sangkamma tomminjo Kukamaseannu. Paralluko tuli attallasa' salaku tau Kukamaseanga.

YOHANES 15:9 ပူးပေါင်းရင်းမြစ်များ

YOHANES 15:11

Kupau ngaseng minne ri kau, sollanna nupariati karannuangKu, siagang na'jari sukku' karannuannu.

YOHANES 15:13

Tau kaminang angkamaseangai passari'battanganna, iamintu tau eroka ampassareangi tallasa'na untu' passari'battanganna.

YOHANES 17:26

Le'ba'mi Kupappiassengang arenTa mae ri ke'nanga; na kammaminjo tuli laKugaukang, sollanna tuli napariati ke'nanga pangngamaseanTa mae ri Nakke, naKuasse're siagang ke'nanga.”

YOHANES 3:35

Nakamaseangi Manggea Ana'Na, na Napassareang ngasemmo koasaya ri Ana'Na.

EFESUS 3:18

Appala' doanga' mae ri Allata'ala nuporo siagang ngaseng sikontu Umma'Na Allata'ala, akkulle ampahangi antekamma luara'na siagang la'buna, kammayatompa antekamma tinggina siagang lantanna pangngamaseanNa Almasi,

1 YOHANES 2:28

Jari, sikamma ana'-anakku, tuli asse're mako siagang Almasi lalang ri katallassannu, sollanna punna battui sallang, akkulle maki' andallekang mae ri Ia siagang barani; siagang tenamo nuero' accokko lanri siri'-siri'nu.

YUDAS 1:20

Mingka ikau ngaseng, sikamma sari'battangku, parallui tuli nupakajarre' turus katappakkannu mae ri Isa Almasi; anjo tappa'nu sanna' tangkasa'na. Na lalang kammana anjo appala' doangko siagang koasa RohNa Allata'ala;

PAPPICINI' 1:5

siagang battu ri Isa Almasi, sa'bi tamamminraya. Iami uru-uru nipattallasa' poleanga ammotere' battu ri kamateanga siagang Iami makoasaya irateanganna sikamma karaeng niaka ri lino. Nakamaseangki' Isa, siagang lanri kamateanNa naNapata'lappasa' maki' battu ri dosa-dosata ngaseng.