YOHANES 15:22 - KITTA' MATANGKASA'

²² Ebara' angkana tena naKubattu siagang tenapa naKupabattuang ngaseng anjo sikammaya mae ri ke'nanga, tenaja naladoraka ke'nanga. Mingka kamma-kamma anne tenamo alasanna ke'nanga untu' antongkoki dosana ke'nanga.

YOHANES 15:22 ပူးပေါင်းရင်းမြစ်များ

YEHEZKIEL 2:5

apaka napilangngeri ke'nanga yareka tena; ia parallua, iamintu musti naassengi ke'nanga angkanaya nia' na'bi ri tangnga-tangngana ke'nanga.

LUKAS 12:46

Jari tanasanna-sannayami angkana ri allo apaya siagang tette' siapa nalammotere' karaenna. Na laniba'jimo nipasitangnga mate anjo palayanga ri karaenna, sa'genna nipasangkamma sarenna siagang sikamma tau tenaya namannuruki ri Allata'ala.

YOHANES 12:48

Inai-nai ansorongbokoA' siagang tanapilangngeriai kanangKu, nia'mo angngadeli anjo taua. Iaminjo kana-kanangKu Kupabattua langngadeli sallang ri Allo Kiamaka.

YOHANES 15:23

Inai-nai angkabirisiA', nakabirisi tommi ManggeKu.

YOHANES 15:24

Ebara' angkana tenapa naKugaukangi apa-apa takkullea nagaukang tau maraenga ri tangnga-tangngana ke'nanga, tenaja nadoraka ke'nanga. Mingka kamma-kamma anne nacini'mi ke'nanga apa Kugaukanga, nanakabirisi ijA' siagang Manggea.

YOHANES 16:9

LaNapakasingaraki angkananaya dorakai tau tenaya natappa' ri Nakke;

YOHANES 19:11

Appialimi Isa Nakana, “Punna taNasareako' Allata'ala anjo koasanu, tena sikali koasanu mae ri Nakke. Lanri kammana, lompoangangi dosana tau ampassareangai KalengKu mae ri kau, kala ikau.”

YOHANES 9:41

Appialimi Isa Nakana, “Ebara' angkana buta ngasengko antu, tenaja nudoraka. Mingka lanri nukanana ngaseng, ‘Accini'jaki' anne’, iaminjo battuanna angkanaya doraka ngasengijako.”

LAMPA-LAMPANA 17:30

Anjo wattu kadongokanta Nakaluppaimi Allata'ala, mingka kamma-kamma anne Nasuromi toba' battu ri dosa-dosana sikontu rupataua ri lino.

ROMA 1:20

Appakkaramula battu ri wattu Napa'nia'na Allata'ala linoa, anjo sipa'Na Allata'ala tenaya nakacinikang, iamintu sipa' Allata'alaNa siagang kakoasanNa tamamminraya, akkullemi napahang rupataua lalang ri sikontu apa Napa'niaka. Jari tena sikalimo alasanna rupataua untu' lampattojengi kalenna.

ROMA 2:1

Lanri kammana, sari'battangku ngaseng, inaiko kutadeng antu sa'gennu akkulle ampasalai tau maraenga? Tena sikali apa-apa ri kau untu' akkulle ampattojengi kalennu! Nasaba' punna nupasala parannu tau, padahala' kalennu anggaukangi anjo apa-apa nagaukanga ke'nanga, ikau tommi ampabattui hukkunganga mae ri kalennu.

YAKOBUS 4:17

Lanri kammana, inai-nai angngassengi apa bajika, nanaasseng angkanaya musti nagaukangi anjo apa bajika mingka tena nagaukangi, anjo taua dorakami.

1 PETRUS 2:16

Paralluko a'jari tau bebasa' lalang katallassannu; mingka teako pakei anjo kabebasannu untu' antongkoki kaja'dallanga, passangalinna a'jari mako ata-atanNa Allata'ala lalang ri katallassannu.