YOHANES 15:20 - KITTA' MATANGKASA'

²⁰ U'rangi apa le'baka Kupau mae ri kau, angkanaya, ‘Tena nalompoangang se'rea ata na karaenna.’ Punna iNakke nasessaMa' ke'nanga, lanasessa ngaseng tommako ke'nanga. Punna naturuki ke'nanga ajarangKu, lanaturuki tongi ke'nanga ajarannu.

YOHANES 15:20 ပူးပေါင်းရင်းမြစ်များ

YEHEZKIEL 3:7

Mingka bansa Israel taerokai ampilangngeriko, ba'lalo manna iNakke tena todong naero' ke'nanga ampilangngeriA'. Kapala batu ngasengi ke'nanga siagang nangai angngewaya.

MATIUS 10:24

Takkulleai lompoangang ana' gurua na gurunna; kammayatompa takkulleai lompoangang palayanga na karaenna.

MARKUS 10:39

Appialimi ke'nanga angkana, “Nakulleji ikambe.” Jari angkanami pole Isa ri ke'nanga, “Langnginung memang jako battu ri pangnginungang rassia passessa laKuinunga. Siagang lantama' tonjako ri pammantangang jaia passessa laKupantamakkia.

LUKAS 2:34

Nabarakkakimi Simeon ke'nanga; siagang nakana ri Maria, “Le'ba'mi nipile ri Allata'ala anne anaka untu' anghukkungi siagang untu' appasalama' jai tu Israel. La'jari pannanrai battu ri Allata'ala, lanibaliangi ri tau jaia,

LUKAS 6:40

Tena ana' guru la'jari lompoangang na gurunna. Mingka punna le'ba'mo appilajara' ana' gurua, lasangkammami gurunna.

YOHANES 10:31

Angngallemi pole batu ke'nanga ero' ansambilai Isa.

YOHANES 11:57

Nakkana kamma anjo ke'nanga, lanri le'ba'mi appasulu' parenta imang-imang kapalaya siagang tu Farisia, angkanaya, inai-nai anciniki pammantanganNa Isa musti napaui sollanna akkulle nijakkala' Isa.

YOHANES 13:16

Annaba tojengi anne kanangKu: tena olona lala'birangang se'rea ata na karaenna; siagang tena olona lala'birangang se'rea tunisuro na tau assuroa.

YOHANES 5:16

Jari ero'mi ke'nanga ansessai Isa, lanri Naballeina taua ri wattunna allo Pammari-marianga.

YOHANES 7:32

Nalangngere'mi tu Farisia antekamma batena a'bici'-bici' anjo tau jaia ri passala'na Isa. Lanri kammana assama turu'mi ke'nanga siagang imang-imang kapalaya. Assama turu'mi ke'nanga assuroi pangawala'na Balla'Na Batara anjakkalaki Isa.

YOHANES 8:51

Annaba tojengi anne Kukanaya: inai-nai anturuki kanangKu tena nalamate sa'genna satunggu-tungguna.”

YOHANES 8:52

Nakanamo anjo tu Yahudia ri Isa, “Kamma-kamma anne niassemmi angkanaya ma'nassa nasosokKo setang! Kalenna Abraham matemi, kammayatompa na'bi-na'bia mate ngaseng tommi. Mingka iKau Nukana, ‘Inai-nai anturuki kanangKu, tena nalamate sa'genna satunggu-tungguna.’

YOHANES 8:59

Massing angngallemi batu anjo tu Yahudia ero' nasambilai Isa; mingka a'lengu'mi Isa, nampa a'lampa ambokoi anjo Balla'Na Batara.

LAMPA-LAMPANA 14:22

Napakajarre'mi atinna sikamma tau tappaka ri Isa ri anjo kota-kotaya. Napakainga'mi ke'nanga, sollanna tuli jarre' tappa'na mae ri Isa. “Musti jai rolong pa'risi' nikasia', nampa akkulle nikasia' mate'nea lalang ri Lino BeruNa Allata'ala,” kammami anjo napangngajarrang tunisuroNa Allata'ala mae ri sikamma tau tappakamo mae ri Isa, ri anjo kota-kotaya.

1 KORINTUS 4:12

akkareso terasa'mi ikambe amboyai kaparalluang allo-alloa. Punna nitunraiki', nibalasa'mi siagang barakka'; punna nisessaki', sa'bara' mamaki';

2 KORINTUS 4:9

Jai tau ammusuki', mingka tena nakile'ba' nibokoi kale-kalenta. Siagang manna ki'mole-mole sanrapang nipatappasa' naung ri buttaya, mingka tena nakikkulle mate.

1 TESALONIKA 2:15

Iaminjo ke'nanga ambunoi Batara Isa siagang na'bi-na'bia, kammayatompa assessai ikambe. Namusu ngasengi rupataua, nanicallamo ke'nanga ri Allata'ala.

2 TIMOTIUS 3:12

Memang, lanisessa memangi sikamma tau eroka anynyomba ri Allata'ala siagang tau asse'rea siagang Isa Almasi lalang ri katallassanna;

1 SAMUEL 8:7

Na Nakanamo Batara, “Turukiammi sikontu pappala'na anjo bansaya mae ri kau. Nasaba' teai ikau nasorongboko ke'nanga, mingka iNakke. Tenamo naero' punna iNakke a'jari karaenna ke'nanga.