YOHANES 14:31 - KITTA' MATANGKASA'

³¹ Mingka musti kajariang ngasengi anjo sikammaya, sollanna nanaasseng anne linoa, angkanaya Kukamaseangi Manggea siagang Kugaukang ngasengi sikontu Naparentakanga mae ri Nakke. Jari umbamo ki'lampa battu anrinni.”

YOHANES 14:31 ပူးပေါင်းရင်းမြစ်များ

PAMMUJI 40:8

Nampa kukana, “Annemi kalengku, lalang gulungang kitta' tattulisika untu' inakke:

YESAYA 50:5

Nasarea' Batara pammahang, tena kungngewa yareka ta'giling battu ri Ia.

MATIUS 26:39

A'lampa bella-bellami Isa sike'de' mange ri dallekang, nampa su'ju' naung ri buttaya appala' doang angkana, “O, ManggeKu, ka'de' nia' kulleanna, pabellami anne passessaya ri Nakke. Mingka teaKi' naerokKu anjari, passangalinna erotTamo anjari.”

MATIUS 26:46

Ambangung mako nai', umba naki'lampa! Nia'mi battu tau le'baka ambalukangA'.”

LUKAS 12:50

Nia' ija kasessang sannaka lompona laKukasia'. Nasanna' lussa'na atingKu punna takajariangapa.

YOHANES 10:18

Mingka tena manna sitau akkulle angngallei nyawaKu battu ri Nakke. Battu ri erokKu tonji naKupassareang. Nia' koasaKu ampassareangi, na nia' todong koasaKu angngallei ammotere'. Iaminjo tugasa' Kutarimaya battu ri ManggeKu.”

YOHANES 12:27

“Lussa'minne atingKu: apa musti laKupau kamma-kamma anne? Mustika laKukana, ‘Bapa', paliliA' ri kamma-kammaya anne’? Mingka untu' iaminne passessaya naKunia' battu.

YOHANES 12:49

Nasaba' teai battu ri ero' KalengKu naKupabattu anjo bicaraya; Manggea assuroA', Iami ampassuroangi ri Nakke apa musti Kupau siagang Kupabattu.

YOHANES 13:1

Siallo ri tenanapa narapiki Allo Lompona Paskaya, Naassemmi Isa angkanaya narapi'mi wattunna laNabokoi anne linoa nampa ammotere' mae ri ManggeNa. Nakamaseangi tau a'jaria umma'Na ri anne linoa, siagang tuli laNakamaseangi ke'nanga sa'genna kala'busang lino.

YOHANES 15:9

Sangkamma bateNa Manggea angkamaseangA', sangkamma tomminjo Kukamaseannu. Paralluko tuli attallasa' salaku tau Kukamaseanga.

YOHANES 18:11

Nakanamo Isa ri Petrus, “Poterangi antama' ri banoanna antu pa'dannu! Apa nakana pikkirannu talaKutarimayai passessa Napassareanga Manggea mae ri Nakke?”

YOHANES 4:34

Nakanamo Isa, “Ia kanreKu iNakke, iamintu anturuki ero'Na Ia assuroA' battu, siagang ampa'le'baki jamang-jamang Napassareanga ri Nakke.

FILIPI 2:8

Napa'jari tunai KalenNa namannuruki ri Allata'ala sa'genna mate – iamintu mate ri kayu sallika.