YOHANES 14:28 - KITTA' MATANGKASA'

²⁸ Le'ba'mi nulangngere' Kukana, ‘La'lampA', mingka lammotere'jA' pole mae ri kau’. Punna nukamaseangA', lasannangi nyawanu punna a'lampA' mange ri Manggea. Nasaba' anjo Manggea, lompoangangi naiNakke.

YOHANES 14:28 ပူးပေါင်းရင်းမြစ်များ

PAMMUJI 68:18

Appulo sa'bu kareta kassa' Napake ammumba Allata'ala siagang sanna' mala'biri'Na ri alla'na ke'nanga.

PAMMUJI 68:9

annekkereki linoa, tattumpai bosia ri dallekanTa, lanri battuna Allata'alana Sinai, Allata'alana Israel.

YESAYA 42:1

Nakana Batara, “Iaminne atangKu Kururunganga, tunipileKu appakasannanga ri atingKu. Le'ba'mi Kusare koasaKu, untu' angngerang kaadelang mae ri tunggala' bansaya.

YESAYA 53:11

Lanri kammana anjo Nakana Batara, “Punna le'baki sessa napakamma nipa'risi, lamate'nei siagang lasukku' baji'mi pakkasia'na. Anjo atangKu, napakasannangi atingKu, le'ba'mi natanggongi hukkunganna tau jaia; lanri ia naKupammopporang ke'nanga.

MATIUS 12:18

“Iaminne TunisuroKu le'ba' Kupilea, TunikamaseangKu siagang TuKupassiratanga ri atingKu. LaKupassareangi RohKu mae ri Ia, LaNakabarrangi kaadelangKu mae ri bansa-bansaya.

YOHANES 10:38

Mingka lanri Kugaukammi, tappa' mako mae ri sikamma anjo apa le'baka Kugaukang, manna pole taerokako tappa' ri Nakke. Lalang kammana minjo nanuasseng siagang nupahang angkanaya tuli se'rena Manggea siagang iNakke, siagang tuli se'reKu siagang Manggea.”

YOHANES 13:16

Annaba tojengi anne kanangKu: tena olona lala'birangang se'rea ata na karaenna; siagang tena olona lala'birangang se'rea tunisuro na tau assuroa.

YOHANES 14:12

Annaba tojengi anne kanangKu: Inai-nai tappa' ri Nakke, lanagaukangi apa le'baka Kugaukang, – ba'lalo lanagaukangi apa lompoanganga – nasaba' a'lampA' mae ri Manggea.

YOHANES 14:18

Tena nalaKubokoiko ammantang kale-kalennu, a'jari sanrapang ana' kukanga. LammoterekKa' pole mae ri kau.

YOHANES 16:7

Mingka apa kammatojeng anne Kupaua mae ri kau: Angkanaya bajikangangi mae ri kau punna a'lampA'; nasaba' punna tena Ku'lampa, talabattuai anjo Pannulunga mae ri kau. Mingka punna a'lampA' laKusuroi battu anjo Pannulunga mae ri kau.

YOHANES 20:17

Nakanamo Isa ri ia, “Teako ta'galakiA', nasaba' tenapa naKunai' ri Manggea. Mingka a'lampamako mae ri sikamma sari'battangKu, siagang pauangi ke'nanga angkanaya kamma-kamma anne nai'Ma' ri ManggeKu siagang Manggenu todong, ri Allata'alaku siagang Allata'alanu todong.”

YOHANES 20:21

Sikalipa pole Nakana Isa ri ke'nanga, “Salamakko siagang salewangang ngasengko. Sangkamma iNakke NasuroA' Manggea, sangkamma tomminjo naKusuro ngaseng tongko.”

YOHANES 5:18

Pila' ero'mi ke'nanga ambunoi Isa, lanri akkana kammana Isa. Eroki ke'nanga ambunoi Isa, tena napassabakkang Naballeina bawang taua ri allo Pammari-marianna ke'nanga, mingka lanri Nakanana pole Isa angkanaya Bapa'Na anjo Allata'ala; jari battuanna, Napasangkammai KalenNa Allata'ala.

YOHANES 7:33

Nakanamo Isa ri anjo tau jaia lalang ri Balla'Na Batara, “Poro sinampe' maMa' nia' anrurungangko. Punna le'ba'mo sallang, lammotere'Ma' mae ri Ia assuroA ri Nakke.

1 KORINTUS 11:3

Mingka nia' ija se're passala' kukellai nuasseng, iamintu angkanaya Almasi a'jari sanrapang ulu mae ri sikontu bura'-bura'nea; kammayatompa bura'nea a'jari sanrapang ulu mae ri massing tu bai'-bainena, kammayatompa pole Allata'ala a'jari sanrapang ulu mae ri Almasi.

1 PETRUS 1:8

Mangngamaseangko ri Ia, manna pole tanucinika riolo. Siagang tappakko ri Ia manna pole tanucinika kamma-kamma anne. Iaminjo saba'na nanurannu, siagang nanukasia' karannuang mala'birika siagang sukkaraka nicarita.

PAPPICINI' 1:11

Nakana anjo sa'raya, “Tulisiki apa nucinika, nampa nukiring anjo kitta' nutulisika mae ri tujua jama'ah, iamintu: Efesus, Smirna, Pergamus, Tiatira, Sardis, Filadelfia, siagang Laodikia.”