YOHANES 14:26 - KITTA' MATANGKASA'

²⁶ Mingka RohNa Allata'ala, iamintu Pannulung laNasuroa battu Allata'ala lalang arengKu, Iami langngajara' ngasengko lalang sikontua passala'. Iami lampiu'rangiangko sikontu apa le'baka Kupau ri kau.

YOHANES 14:26 ပူးပေါင်းရင်းမြစ်များ

PAMMUJI 51:11

Kialleimi rupanTa battu ri dosa-dosaku, siagang lu'lu'mi sikontu kasalangku.

YESAYA 54:13

Sikontu pandudu'nu a'jari ana' gurungKu, lakala'biangi siagang lasalewangangi ke'nanga.

YESAYA 63:10

Mingka angngewai ke'nanga siagang napakasi'na pa'mai'Na Batara. Jari ta'bale'mi a'jari musunNa ke'nanga KalenNa a'bundu' ambaliangi ke'nanga.

MATIUS 1:18

Ia kalassukanNa Isa Almasi kammai anne lampa-lampana. Amma'Na niarenga Maria, eroki nipasialle siagang Yusuf. Mingka lalang tenanapa nasialle ke'nanga, apaji natianammo Maria lanri gau' makoasa battua ri RohNa Allata'ala. Na tanaassenga Yusuf angkanaya lanri gau' makoasa battu ri RohNa Allata'ala natianang anjo Maria.

MATIUS 1:20

Mingka lalang nanawa-nawana Yusuf eroka a'lampa, asso'nami ri wattunna tinro. Lalang asso'nana, nia'mo nacini' sitau malaeka'Na Batara battu mae ri ia angkana, “E, Yusuf, sossoranna Daud, teako mallakki a'nikka siagang Maria; nasaba' anjo ana' natiananganga, pa'jari battu ri gau' makoasaNa RohNa Allata'ala.

MATIUS 28:19

Jari a'lampamako mange ri sikontu bansaya ri lino, pa'jarimi ke'nanga ana'-ana' gurungKu. Je'neki ke'nanga lalang arenNa Manggea, siagang Anaka, kammayatompa RohNa Allata'ala.

MATIUS 3:11

Inakke je'ne' kupake anje'nekko a'jari pammatei angkanaya ma'nassa toba' mako battu ri gau' dosa-dosanu; mingka labattua sallang ri bokoangangku, iami sallang lanje'nekko pepe' siagang RohNa Allata'ala. La'birangangi nainakke. Manna a'jari pabinting sapatuNa tena todong kusiratang.

MARKUS 12:36

Na kalenna Daud, lanri pangngajara'Na RohNa Allata'ala, le'baki angkana, ‘Nakana Batara ri Bataraku: Ammempoko ri sa'ri kanangKu Sa'genna Kusuro ngaseng balinNu akkulantu' ri dallekanNu.’

MARKUS 13:11

Na punna nijakkalakko siagang nierangko mange ri pangadelanga, teako bata-batai angkanaya antekamma batenu la'bicara. Nasaba' punna narapi'mo wattunnu la'bicara, labattui RohNa Allata'ala angngajarakko a'bicara. Teai bicarannu lanupau, mingka bicara battu ri RohNa Allata'ala. Jari pau mami bicara nipangngajarranga ri kau.

LUKAS 1:15

La'jari tu nipakalompoi ri dallekanNa Allata'ala. Talangnginungai anggoro' siagang inungang terasa'. Pakkaramula battu ri nilassukanna lanirurungangi ri RohNa Allata'ala.

LUKAS 1:35

Appialimi malaekaka nakana, “Labattui RohNa Allata'ala mae ri kau, siagang laniaki koasaNa Allata'ala anrurungangko. Lanri kammana, anjo ana' lalassuka lanigallaraki Matangkasa', Ana'Na Allata'ala.

LUKAS 1:41

Na nalangngere'na Elisabet barisallanna Maria, a'gio'mi anjo ana' natiananganga. Nikoasaimi Elisabet ri RohNa Allata'ala;

LUKAS 1:67

Anjo Zakharia, manggena anjo anaka, nikoasaimi ri RohNa Allata'ala. Jari napabattumi pappasang battua ri Batara, angkana,

LUKAS 11:13

Manna pole ja'dala' ngasengko, mingka angngasseng tonjako assare apa-apa baji' mae ri ana'nu. La'biangampa Manggea ri suruga! LaNapassareangi RohNa mae ri tau appalaka ri Ia!”

LUKAS 2:25

Anjo wattua nia' ri Yerusalem sitau niareng Simeon. Ia tau baji', na malla' ri Allata'ala. Na tayang-tayammi wattunna nabattu Allata'ala ampasalamaki umma' Israel. Antama'mi RohNa Allata'ala ri kalenna.

LUKAS 24:49

Na KalengKu lassuroi battu mae ri kau ngaseng apa le'baka Napa'janjiang Manggea. Mingka musti attayangko rolong anrinni ri kotaya, sa'genna battu koasaNa Allata'ala anrurungang ngasengko.”

LUKAS 3:22

na manurummo RohNa Allata'ala irateanganNa, sangkamma jangang-jangang bodobangkeng. Nampa nia' kalangngerang sa'ranNa Allata'ala battu ri suruga angkana, “IKaumi AnakKu Kukamaseanga. IKaumi ampakasannangi atingKu.”

YOHANES 1:33

Anjo wattua tenapa nakuassengi angkana inai anjo. Mingka nipauamma' ri Allata'ala assuroa' anje'neki taua siagang je'ne' angkana, ‘Punna nucini' manurung RohNa Allata'ala, nampa ammantang irateang se'reang tau, Iaminjo taua lanje'neki taua siagang RohNa Allata'ala.’ ”

YOHANES 12:16

Anjo wattua tanaassengapi ana'-ana' gurunNa Isa angkanaya apa ngaseng battuanna anjo kammaya. (Mingka ri wattunna nipakala'biri'mo Isa battu ri kamateanNa, nampami nau'rangi ke'nanga angkanaya anjo apa le'baka nagaukang taua ri Isa le'ba' memammi tattulisi' lalang ri Kittaka anjo apa kajarianga ri Ia.)

YOHANES 14:16

LaKupalaki ri Manggea, sollanna Nasareko Pannulung maraeng, eroka ammantang siagang ikau ngaseng sa'genna satunggu-tungguna.

YOHANES 14:25

Yangasenna anjo, Kupaumi ri kau, lalang ri niakKu ija siagang ikau ngaseng.

YOHANES 15:26

LaKusuroi battu mae ri kau Pannulung battua ri Manggea. Iamintu Roh, lampa'nyatai katojenganNa Allata'ala. Punna battui, Iami la'jari sa'bi mae ri KalengKu.

YOHANES 16:7

Mingka apa kammatojeng anne Kupaua mae ri kau: Angkanaya bajikangangi mae ri kau punna a'lampA'; nasaba' punna tena Ku'lampa, talabattuai anjo Pannulunga mae ri kau. Mingka punna a'lampA' laKusuroi battu anjo Pannulunga mae ri kau.

YOHANES 2:22

Jari ri boko sallang, ri wattunna attallasa' poleang Isa battu ri kamateanga, nau'rangimi ana'-ana' gurunNa Isa, angkanaya anjo passalaka le'ba' memammi Napau. Jari tappa'mi ke'nanga ri apa niaka tattulisi' lalang ri Kittaka, siagang ri apa le'baka Napau Isa.

YOHANES 20:22

Nampa Natui' ke'nanga na Nakana, “Tarimami RohNa Allata'ala.

YOHANES 6:45

Nia' tattulisi' lalang ri Kitta'-kitta'na Na'bi-na'bia angkanaya, ‘Sikontu rupataua laniajaraki ri Allata'ala.’ Jari sikontu tau ampilangngeri Manggea siagang appilajara' ri Ia, battu ngasengi mae ri Nakke.

YOHANES 7:39

RohNa Allata'ala anjo Nabicaraya Isa, lanatarimaya tau tappaka ri Ia. Nasaba' anjo wattua tenapa nipassareangi RohNa Allata'ala; lanri tenapa nanipakala'biriki Isa lanri kamateanNa.)

LAMPA-LAMPANA 1:2

sa'genna ri allo ta'angka'Na nai' ri suruga. Ri tenanapa naNai' ri suruga, Nasare ngasemmi pappijo'jo' sikamma tunisuro le'baka Napile, lalang koasaNa RohNa Allata'ala.

LAMPA-LAMPANA 1:4

Na ri wattunna a'rappungang siagang ke'nanga, Nasaremi parenta ke'nanga Nakana, “Teako rolong a'lampai battu ri Yerusalem. Attayangko rolong anjoreng, sa'gennu Nasare Allata'ala anjo apa le'baka Napa'janjiang, iamintu apa le'baka Kupau ri kau ri pirangalloang.

LAMPA-LAMPANA 1:8

Mingka punna battumo RohNa Allata'ala mange ri kau, langgappa mako koasa. Na la'jari mako sa'bingKu ri Yerusalem, ri sikontu Yudea, ri Samaria, sa'genna ri cappa'na linoa.”

LAMPA-LAMPANA 11:16

Nampa kuu'rangimo angkanaya le'baki akkana kamma anne Batara, ‘Yohanes je'ne' napake anje'neki taua, mingka ikau ngaseng lanije'nekko siagang RohNa Allata'ala.’

LAMPA-LAMPANA 13:2

Ri wattunna assambayang mae ri Batara siagang appuasa ke'nanga, Nakanamo RohNa Allata'ala mae ri ke'nanga, “Pilei nanusa'lakkangA' Barnabas siagang Saulus, sollanna Kusuro anjamai jama-jamang le'baka Kupattantuangi ke'nanga.”

LAMPA-LAMPANA 13:4

Lanri nisuroi ke'nanga ri RohNa Allata'ala, a'lampami Barnabas siagang Saulus mange ri Seleukia. Battu anjorengi ke'nanga assombala' mange ri pulo Siprus.

LAMPA-LAMPANA 15:28

Nasitujuimi RohNa Allata'ala – siagang ikambe nisitujui tommi – sollanna tena nanisareko atorang-atorang battallanganga na anne parallua:

LAMPA-LAMPANA 15:8

Na Allata'ala angngassengi atinna rupataua. Iami ampappicinikangi angkanaya Natarimami ke'nanga. Jari Napassareang tommi RohNa Allata'ala mae ri ke'nanga, sangkamma le'baka Napassareang todong mae ri katte.

LAMPA-LAMPANA 16:6

Tena nikellai Paulus siagang Silas ri RohNa Allata'ala ampa'la'bangi kana-kananNa Allata'ala ri daera Asia. Jari napatulusu'mi lampana ke'nanga mange ri daera Frigia siagang Galatia.

LAMPA-LAMPANA 2:33

Niangka'mi nai' ri empoang kaminang tinggia siagang nisaremi koasa ri Allata'ala, nampa Natarima RohNa Allata'ala, le'baka Napa'janjiang Manggea. Na anne apa nulangngereka siagang nucinika kamma-kamma anne iaminjo RohNa Allata'ala, Napaturunga mae ri kambe.

LAMPA-LAMPANA 2:4

Nikoasai ngasemmi ke'nanga ri RohNa Allata'ala, sa'genna appakkaramulamo akkulle a'bicara lalang a'rupa-rupa bicara. Akkullemi a'bicara ke'nanga situru' apa nisareangai ri RohNa Allata'ala untu' lanapau.

LAMPA-LAMPANA 20:28

Paralluko anjagai kalennu. Kammayatompa paralluko anjagai sikontu jamaah le'baka Napassareang RohNa Allata'ala mae ri kau untu' lanujagai; nasaba' le'ba' mako niangka' a'jari tummarakai ri anjo jama'aka. Parallui nujagai anjo jama'aNa Allata'ala, sanrapang pakalawaki anjagai gimbala'na; nasaba' le'ba'mi Napa'jari Allata'ala anjo jama'aka a'jari pisakaNa lanri kamateanNa Ana' KalenNa.

LAMPA-LAMPANA 20:35

Lalang ri kammana anjo, nakusare mako conto, angkanaya paralluki' anjama terasa', sollanna akkulle nitulung tu tenaya pakkullena. Nasaba' parallui niu'rangi apa le'baka Napau Isa, angkanaya, ‘La'bi te'neangangi nikanaya assare naia nikanaya annarima.’ ”

LAMPA-LAMPANA 28:25

Ri wattunna a'lampa ngasemmo ke'nanga ambokoi anjo tampaka massing sisalami panggappana ke'nanga. Nasaba' nakana Paulus mae ri ke'nanga, “Memang annaba sikali apa le'baka Napau RohNa Allata'ala lalang ri Na'bi Yesaya mae ri boe-boenu!

LAMPA-LAMPANA 5:3

Nakanamo Petrus, “Ananias, angngapa nanupassareang atinnu nakoasai Billisika, sa'gennu a'balle-balle ri RohNa Allata'ala? Iamintu nuboli' cokko-cokkoi untu' kalennu tawaruanna doe' ballinna anjo tanaya?

LAMPA-LAMPANA 7:51

Teai sipato' kapala batunu ngaseng, siagang teai sipato' sukkara'nu mannuruki ri Allata'ala! Teai sipato' tongolo'na tolinnu mae ri kana-kananNa Allata'ala! Sangkamma le'ba' ngasengko siagang boe-boenu; tuli erokko angngewa ri RohNa Allata'ala!

LAMPA-LAMPANA 7:55

Mingka anjo Stefanus nikoasaimi ri RohNa Allata'ala, naccongamo nai' ri langika. Nacini'mi kala'biranNa Allata'ala, siagang nia'mi nacini' Isa ammenteng ri tampa' kakoasanNa, iamintu ri sa'ri kananNa Allata'ala.

ROMA 14:17

Nasaba' punna lalang ri pamarentahanNa Allata'ala, tena naparallu nikanaya apa-apa akkullea nikanre yareka apa-apa akkullea niinung. Mingka ia parallua iamintu angkanaya mannuruki rupataua ri ero'Na Allata'ala, nakasiaki nikanaya salewangang ri pa'maika, kammayatompa karannuang Napassareanga RohNa Allata'ala.

ROMA 15:13

Allata'alami tampa' panrannuannu. Poro Nabonei pa'mai'nu sikontu karannuang siagang salewangang, lanri tappa'nu mae ri Ia, sollanna lanri koasa RohNa Allata'ala nanupila' manrannuang mae ri Allata'ala.

ROMA 15:16

Napa'jarima' palayanNa Isa Almasi, sollangku nisuro mae ri bansa pantaranganna bansa Yahudia, iamintu bansa-bansa maraenga. Nipa'jarima' imang sollanna kubirittakang Kabara' Baji' battua ri Allata'ala mae ri ke'nanga, sollanna akkulle ke'nanga nitarima a'jari koro'bang mae ri Allata'ala. Kuminasai ke'nanga nanitangkasi ri RohNa Allata'ala, sollanna akkulle a'jari koro'bang matangkasa' mae ri Allata'ala.

ROMA 5:5

Anjo panrannuang kammaya tena nalanapakala'ba pa'maitta, nasaba' le'ba'mi nibonei atinta siagang pangngamaseanNa Allata'ala. Na anjo Nagaukangi Allata'ala tete ri Roh MalanynyinNa, le'bakamo Napassareang mae ri katte.

1 KORINTUS 12:3

Musti nuassengi angkanaya tau nipimpinga ri RohNa Allata'ala takkulleai angkana, “Poro nitunra laloi Isa!” Kammayatompa tenanniakka tau akkulle angkana, “Iami anjo Isa Batara!” punna tanipimpinga ri RohNa Allata'ala anjo taua.

1 KORINTUS 6:19

Musti nuassengi angkanaya anjo batangkalennu pammantanganNa RohNa Allata'ala. Anjo RohNa Allata'ala ammantangi lalang ri kalennu. Kammayatompa KalenNa Allata'ala ampassareangi anjo RohNa mae ri kau. Anjo kalennu teaimi ikau pata, mingka Allata'ala pata.

2 KORINTUS 6:6

Tulusu' pa'mai' maki', mangngasseng baji' maki', sa'bara' maki', kammayatompa baji' pa'mai' maki' mae ri kau ngaseng, sollanna nuasseng angkanaya ikambe anne ma'nassa atanNaki' Allata'ala. Kammayatompa tanjeng maki' mae ri Roh pannulunNa Allata'ala, mangngamaseang maki' situlusu' pa'maitta;

EFESUS 1:13

Ikau ngaseng, a'jari tommako umma'Na Allata'ala ri wattunna nulangngere' pasanNa Allata'ala, iamintu Kabara' Baji' assareako kasalamakkang. Tappakko mae ri Isa Almasi iaminjo naNasareko pammatei Allata'ala ma'nassana taunNako, iamintu RohNa, le'baka Napa'janjiang.

EFESUS 1:17

Kupalaki mae ri Allata'ala, Batarata Isa Almasi, Mangge mala'birika, sollannu Nasare RohNa. Iaminjo RohNa lampa'jari cara'dekko, siagang lampappiassengangi sa'genna nuasseng Allata'ala.

EFESUS 4:30

Teako pa'jari si'nai atinNa RohNa Allata'ala. Le'ba' mako nisare pammatei mattantu ri RohNa Allata'ala, ma'nassanu a'jarimo taunNa Allata'ala. Ia tommi anjo RohNa Allata'ala a'jari pammatei janji majarre' angkanaya labattui mae ri kau Allo Kalappassanga.

1 TESALONIKA 4:8

Lanri kammana, inai-nai taeroka antarimai anne pangngajaranga, teai rupataua tanatarimaya, passangalinna Allata'ala ampassareangai Roh matangkasa'Na mae ri kau ngaseng.

2 TIMOTIUS 1:14

Siagang lanri pannulunNa RohNa Allata'ala, ia niaka lalang ri katallassanta, paralluko angkatutui baji'-bajiki sikamma apa-apa nipappirannuanga mae ri kau, ia lompoa anggaranna.

TITUS 3:5

Napasalama' maki', lanri KalenNa angkamaseangki', jari teai lanri nia'na kabajikang le'ba' nigaukang. Napasalamakki' tete ri RohNa Allata'ala assareaki' kajariang beru siagang katallassang beru lanri Natangkasinta.

IBRANI 10:15

Ri anjo passalaka a'jari sa'bi tommi RohNa Allata'ala mae ri katte. Nakana RohNa Allata'ala,

IBRANI 2:4

Kammayatompa, KalenNa Allata'ala ampakajarreki kasa'bianna anjo taua ngaseng, iamintu lalang Nagaukanna a'rupa-rupaya gau' appakalannasaka siagang gau'-gau' sannaka heba'na; siagang lalang Napa'bage-bageanna sikamma passare malammoro' battua ri RohNa Allata'ala situru' kaerokang KalenNa.

IBRANI 3:7

Lanri kammanami anjo, sangkamma Napaua RohNa Allata'ala, “Punna nulangngere' sa'ranNa Allata'ala anne alloa,

IBRANI 9:8

Ilalammi ri anne atoranga, Napappicinikang RohNa Allata'ala sa'genna singara' angkanaya ilalang nia'na ija ammenteng bageang dallekanna anjo pammantanganga, tenapa natassungke oloang antamaya mae ri anjo Kamara' Kaminang Matangkasaka.

1 PETRUS 1:12

Napaumi Allata'ala mae ri anjo na'bi-na'bia angkanaya anjo apa nagaukanga ke'nanga teai untu' kaparalluang kalenna ke'nanga, passangalinna untu' kaparalluannu; iamintu apa-apa singarakamo nulangngere'na kamma-kamma anne battu ri sikamma tau ambirittakangai anjo Kabara' Baji' ri passala'na Isa Almasi. Napabattumi ke'nanga anjo kabaraka mae ri kau ngaseng lalang koasaNa RohNa Allata'ala, nikiringa battu ri suruga. Ba'lalo manna sikamma malaekaka ero' tongi angngassengi anjo kabara' nabirittakanga ke'nanga.

2 PETRUS 1:21

Nasaba' tale'bakai nia' tau angkana battu ri ero' kalenna nakkulle napabattu biritta battua ri Allata'ala ri passala'na anjo apa-apa lakajarianga. Yangasenna anjo taua nikoasai ri Roh KalenNa Allata'ala ri wattunna Napabattu anjo biritta battua ri Allata'ala.

1 YOHANES 2:20

Mingka nutarimami RohNa Allata'ala, le'baka Napaturung Isa Almasi. Iaminjo saba'na nanuassemmo pangngajarang tojenga.

1 YOHANES 2:27

Mingka ri passala'na kalennu ngaseng, le'ba'mi Napaturung Almasi RohNa mae ri kau ngaseng. Na lalang nia'na RohNa ri kau ngaseng, tenamo naparallu nia' tau angngajarakko. Nasaba' iaminjo RohNa angngajarakko untu' sikontu passalaka; na anjo apa Napangngajarranga kontutojengi, teai balle-balle. Lanri kammana, paralluko mannuruki ngaseng mae ri anjo apa Napangngajarranga; siagang paralluko tuli asse're siagang Almasi lalang ri katallassannu.

1 YOHANES 5:7

Jari, nia' tallu sa'bi:

YUDAS 1:20

Mingka ikau ngaseng, sikamma sari'battangku, parallui tuli nupakajarre' turus katappakkannu mae ri Isa Almasi; anjo tappa'nu sanna' tangkasa'na. Na lalang kammana anjo appala' doangko siagang koasa RohNa Allata'ala;

PAPPICINI' 2:11

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, tena sikali nalasessa apa-apa ri kamateang makaruaya.”