YOHANES 14:24 - KITTA' MATANGKASA'

²⁴ Inai-nai tena nakamaseangA', tanaturukiai ajarangKu. Anjo pangngajarang nulangngereka, teai pangngajarang battu ri Nakke, passangalinna pangngajarang battu ri Manggea, assuroa ri Nakke.

YOHANES 14:24 ပူးပေါင်းရင်းမြစ်များ

MATIUS 19:21

Akkanami pole Isa ri ia, “Punna ma'nassa erokko a'jari tau ganna', a'lampamako ambalukang ngasengi barang-barannu. Passareammi ballinna mae ri tu kasi-asia, nama'nassa lanugappamo sallang pa'barang-barangang niaka ri suruga. Punna le'ba'mo nugaukang anjo kammaya, battu mako mae amminawang ri Nakke!”

YOHANES 14:10

Filipus! Maka tena nutappa' angkanaya iNakke asse'reA' ri Manggea, siagang anjo Manggea asse'rei siagang iNakke? Apa Kupaua ri kau teai battu ri ero' KalengKu bawang naKupau. Manggea, tuli niaka asse're siagang KalengKu, Iami anggaukang ngasengi anjo passalaka.

YOHANES 14:15

“Punna nukamaseangA', lanugaukangi sikontu parentaKu.

YOHANES 14:25

Yangasenna anjo, Kupaumi ri kau, lalang ri niakKu ija siagang ikau ngaseng.

YOHANES 3:11

Patappa'mi angkanaya: nipauang mako apa naassenga ikambe; siagang apa nacinikamo ikambe iatomminjo bawang nasa'bi ikambe; mingka tena ngaseng nuero' ampatappaki kasa'bianna ikambe.

YOHANES 3:34

Nasaba' tunisuroa ri Allata'ala, Napabattui kana-kananNa Allata'ala, lanri nipassareang ngasemmi RohNa Allata'ala ri Ia.

YOHANES 5:19

Appialimi Isa mae ri yangasenna anjo taua angkana, “Patappa'mi angkanaya, takkulleai Anaka anggaukangi apa-apaya punna lanri koasaNa bawang. Iaji bawang Nagaukang apa le'baka Nacini' Nagaukang ManggeNa. Nasaba' apa-apa Nagaukang ManggeNa, ia tomminjo Nagaukang Anaka.

YOHANES 5:38

Tena nupariati kana-kananNa, lanri tena nutappa' ri Nakke Tu Nasuroa.

YOHANES 7:16

Appialimi Isa Nakana, “Apa Kupangngajaranga teai pangngajarangKu, mingka pangngajaranNa ia anjo assuroA ri Nakke.

YOHANES 7:28

Le'baki anjo, lalang angngajara'Na Isa ri Balla'Na Batara, a'gora lompomi Nakana, “Jari nuasseng ngasenjA' angkana inaiA' anne, siagang battu kemae assalakKu? Teai ero' KalengKu naKunia' battu. INakke nisuroA' ri Ia niaka koasana assuro ri Nakke, nakkullei nipatappa'. Mingka tena nanuassengi.

YOHANES 8:26

Jai iji passala' laKupau ri kau ngaseng siagang laKuadeliangko. Mingka Ia assuroA ri Nakke akkullei nipatappa'. Na Kupabattumi ri lino apa le'baka Kulangngere' battu ri Ia.”

YOHANES 8:28

Jari Nakanamo Isa ri ke'nanga, “Punna nipakatinggimi sallang Ana' Ma'rupataua, lanuasseng ngasemmi angkanaya, ‘INakkeminne nikanaya INAKKE NIA'.’ Siagang lanuassemmi angkanaya tena manna sirupa apa Kugaukang lanri ero' KalengKu. Mingka poro apa battuaji bawang ri Manggea Kupangngajarrang.

YOHANES 8:38

Apa Kucinika ri ManggeKu, iaminjo Kupau. Na ikau ngaseng, nugaukang tonji apa napangngajarang manggenu ri kau.”

YOHANES 8:42

Nakanamo Isa ri ke'nanga, “Ebara' manggenu anjo Allata'ala, tantu lanukamaseangA', lanri iNakke battuA' ri Allata'ala. Teai ero' KalengKu naKubattu, passangalinna Allata'ala assuroA'.