YOHANES 14:18 - KITTA' MATANGKASA'

¹⁸ Tena nalaKubokoiko ammantang kale-kalennu, a'jari sanrapang ana' kukanga. LammoterekKa' pole mae ri kau.

YOHANES 14:18 ပူးပေါင်းရင်းမြစ်များ

PAMMUJI 101:2

Erokka' amparhatikangi cara tallasa'na tau tenaya callanna. Angngapapi naKibattu mae ri nakke? Erokka' attallasa' matangkasa' ri ballakku,

PAMMUJI 23:4

Manna kullalo ri ka'bung sassanga, tena kumalla' ri bahaya, saba' iKatte anrurunganga'. IKatte anjagaia' sanrapang pakalawaki anjagai gimbala'na siagang takkang na palu-palu lompo.

YESAYA 43:1

He, Israel, kammaminne kananNa Batara, “INakkemi ampa'jariko siagang amparekko, teako mallakki, mattantu Kupasalamakko! Le'ba' mako Kukio' situru' arennu, iNakke ampatangko.

YESAYA 51:12

Nakana Batara, “INakkemi ansaleori ngasengko. Angngapa numalla' mae ri rupatau lamatea, mae ri rupatau nipelaka rapang ruku'?

PIRAUNG 5:3

Manggena ikambe nibunomi ri musua; jandami amma'na ikambe ki'jarimo tau kukang.

HOSEA 14:3

Ammotere' mako mae ri Batara, pabattumi anne pappala' doang salaku panynyombannu ri Ia angkana, “O Batara, pammopporangi dosana ikambe, siagang Kitarima laloi anne pappala' doanna ikambe, namammuji ikambe mae ri Katte situru' kana janjinna ikambe.

HOSEA 6:3

Lanri kammana anjo umbamo kippattujuang tojeng-tojeng untu' angngassengi Batara. Mattantu labattui mae ri katte rapang battuna allo ammumbaya ri bari'basaka, siagang rapang bosi ambasaiyai buttaya ri kala'busang wattu bosia.”

MATIUS 18:20

Nasaba' kemae nia' rua yareka tallu tau a'rappungang nasaba' iNakke, laniakKa' hadere' ri tangnga-tangngana ke'nanga.”

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

YOHANES 14:16

LaKupalaki ri Manggea, sollanna Nasareko Pannulung maraeng, eroka ammantang siagang ikau ngaseng sa'genna satunggu-tungguna.

YOHANES 14:3

Punna le'ba'Ma' a'lampa ampasadiang ngasengko tampa', lammotere' poleamMa' angngalle ngasengko; sollanna kemae-kemae pammantangangKu, lania' ngaseng tommako anjoreng.

YOHANES 16:16

“Sinampe' dudu mami natakkulleaMa' nucini'; sinampe' dudu maMa' lakkulle nucini'.”

YOHANES 16:33

Kupau ngasengi anne mae ri kau, sollannu anggappa salewangang lanri asse're ngasengko siagang iNakke. Lasessako lalang ri linoa. Mingka jarreki pa'mai'nu! Le'ba'mi Kubeta anne linoa!”

2 TESALONIKA 2:16

Poro KalenNa Batarata Isa Almasi, siagang Allata'ala Manggeta ansaleoriko siagang ampakajarre' ngasengi atinnu, sollanna akkulle nugaukang siagang nubirittakang apa bajika. Nasaba' Nakamaseangki' Allata'ala, siagang lanri lammoro' pa'mai'Na naNasareki' kabaraniang tojenga siagang panrannuang bajika.

IBRANI 2:18

Siagang lanri KalenNa le'ba' tongi Nakasia' sessaya siagang paccobaya, iaminjo nakkullemo Natulung tau natabaya paccoba. Kammami anjo carana nakkullemo Natulung sikamma tau natabaya paccoba, lanri Ia le'ba' tommi nataba paccoba siagang angkasiaki pa'risika.