YOHANES 14:15 - KITTA' MATANGKASA'

¹⁵ “Punna nukamaseangA', lanugaukangi sikontu parentaKu.

YOHANES 14:15 ပူးပေါင်းရင်းမြစ်များ

2 KARAENG-KARAENG 18:6

siagang majarreki mae ri Ia. Tena nale'ba' angngewa ri Batara. Sikontu parentaNa Batara nipassareanga tete ri Musa, nituruki tojeng-tojengi ri Hizkia.

MATIUS 10:37

Inai-nai la'bi angkamaseangi anrong manggena naiNakke, tasiratangai amminawang ri Nakke. Kammaya todong, inai-nai la'bi angkamaseangi ana'-ana' bainena yareka ana'-ana' bura'nena naiNakke, tasiratanga tongi amminawang ri Nakke.

YOHANES 8:42

Nakanamo Isa ri ke'nanga, “Ebara' manggenu anjo Allata'ala, tantu lanukamaseangA', lanri iNakke battuA' ri Allata'ala. Teai ero' KalengKu naKubattu, passangalinna Allata'ala assuroA'.

1 KORINTUS 16:22

Inai-nai tena namangngamaseang mae ri Batara, lappassammi anggappa pangngalarroi! Maranatha – O, Batara, battu maKi' linta'!

GALATIA 5:6

Nasaba' punna asse'remi tallasatta siagang Almasi, tenamo naparallu anjo nikanaya mannuruki yareka tena, mae ri paratorang sunnaka. Ia mami parallu anjo tappaka mae ri Almasi; na anjo tappaka ma'nassai lalang ri pangngamaseanta mae ri paranta tau.

EFESUS 6:24

Poro Nabarakkaki ngasengko Allata'ala, ikau mangngamaseanga mae ri Batarata Isa Almasi, iamintu pangngamaseang tenaya nammari-mari rinrana. Sallangku, Paulus

1 PETRUS 1:8

Mangngamaseangko ri Ia, manna pole tanucinika riolo. Siagang tappakko ri Ia manna pole tanucinika kamma-kamma anne. Iaminjo saba'na nanurannu, siagang nanukasia' karannuang mala'birika siagang sukkaraka nicarita.

2 YOHANES 1:6

Battuanna nikanaya mangngamaseang, iamintu nipilangngeri sikamma parentaNa Allata'ala. Na anjo parenta le'bakamo nulangngere' battu ri pakkaramulanna, iamintu angkanaya musti massing sikamaseangko lalang ri katallassannu.