YOHANES 14:11 - KITTA' MATANGKASA'

¹¹ Tappa' mako ri Nakke, angkanaya asse'reA' siagang Manggea, kammayatompa asse'rei Manggea siagang iNakke. Yareka kaminang sike'de'na, tappa' mako lanri sikamma anjo apa le'baka nucini' Kugaukang.

YOHANES 14:11 ပူးပေါင်းရင်းမြစ်များ

YOHANES 10:25

Appialimi Isa Nakana, “Le'ba' mako Kupauang, mingka tena ngaseng nutappa'. Sikamma jama-jamang Kugaukanga lalang arenNa ManggeKu, a'jari ngasemmi butti mae ri KalengKu.

YOHANES 10:32

Mingka Nakanamo Isa ri ke'nanga, “Nucini' ngasemmi panggaukang baji' le'baka Kugaukang, situru' tugasa' Napassareanga Manggea ri Nakke. Battu ri yangasenna anjo panggaukanga, kereanga a'jari saba' nanusiratang ansambilA' batu?”

YOHANES 10:38

Mingka lanri Kugaukammi, tappa' mako mae ri sikamma anjo apa le'baka Kugaukang, manna pole taerokako tappa' ri Nakke. Lalang kammana minjo nanuasseng siagang nupahang angkanaya tuli se'rena Manggea siagang iNakke, siagang tuli se'reKu siagang Manggea.”

YOHANES 14:10

Filipus! Maka tena nutappa' angkanaya iNakke asse'reA' ri Manggea, siagang anjo Manggea asse'rei siagang iNakke? Apa Kupaua ri kau teai battu ri ero' KalengKu bawang naKupau. Manggea, tuli niaka asse're siagang KalengKu, Iami anggaukang ngasengi anjo passalaka.

YOHANES 14:20

Punna narapi'mo wattunna anjo alloa, lanuassemmi angkanaya iNakke asse'reA' siagang Manggea, ikau ngaseng asse'reko siagang iNakke, na Kuasse're siagang ikau ngaseng.

YOHANES 5:36

Mingka lompoangangi kasa'biangKu na kasa'bianna Yohanes. Apa Kugaukanga ri kamma-kammaya anne, iamintu jama-jamang Napassuroanga Manggea mae ri Nakke, iaminjo a'jari butti, ma'nassana Manggea assuroA' battu.

LAMPA-LAMPANA 2:22

Sikamma sari'battangku tu Israelka! Pilangngeri anne apa kupaua: Anjo Isa, battua ri Nazaret, nisarei tugasa' ri Allata'ala untu' ikau ngaseng. A'nassa sikalimi anjo lalang ri gau'-gau' appakalannasa' siagang apa-apa tenaya narapiki akkala'nu, le'baka Nagaukang Allata'ala ri tangnga-tangnganu lalang ri KalenNa anjo Isa. Yangasenna anjo massing nuassemmi.

IBRANI 2:4

Kammayatompa, KalenNa Allata'ala ampakajarreki kasa'bianna anjo taua ngaseng, iamintu lalang Nagaukanna a'rupa-rupaya gau' appakalannasaka siagang gau'-gau' sannaka heba'na; siagang lalang Napa'bage-bageanna sikamma passare malammoro' battua ri RohNa Allata'ala situru' kaerokang KalenNa.