YOHANES 13:22 - KITTA' MATANGKASA'

²² A'le'ba'-le'basa'mi sicini'-ciniki ana'-ana' gurunNa, siagang lannasa' ngasemmi ke'nanga, lanri tanaassengai ke'nanga angkana inaimo nataba anjo bicaraya.

YOHANES 13:22 ပူးပေါင်းရင်းမြစ်များ

PA'JARIANG 42:1

Nalangngere'na Yakub angkana nia' gandung nibalukang ri Mesir, nakanamo ri ana'-ana'na, “Angngapa nummantang ngaseng sannang bawang?

MATIUS 26:21

Lalang angnganrena ke'nanga, Nakanamo Isa, “Pilangngeri sai: nia' sallang kalase'rennu ambalukangA'.”

MATIUS 26:22

Nalangngere'na anjo, sanna' ngasemmi si'nana pa'mai'na ana'-ana' gurunNa. A'le'ba'-le'basa'mi akkuta'nang ri Isa angkana, “Tantu teaiji nakke nataba kananTa?”

MARKUS 14:18

Lalang ammemponamo ke'nanga angnganre, Nakanamo Isa, “Pilangngeri sai: kala se'rennu, ia niaka kamma-kamma anne angngagangA' angnganre, ampasikongkolangA' sallang.”

MARKUS 14:19

Nalangngere'na akkana kamma Isa, sanna' ngasemmi si'nana pa'mai'na ana'-ana' gurunNa Isa. Akkuta'nang tasse're-se'remi ke'nanga mae ri Isa angkana, “Sai teaiji nakke nataba kananTa Bapa'?”

LUKAS 22:21

“Mingka ciniki! Anjo tau eroka ambalukangA' niaki anrinni siagang iNakke!

LUKAS 22:23

Jari appakkaramulami assikuta'-kuta'nang ke'nanga, ero' naasseng angkanaya inaimi kalase'renna ke'nanga langgaukangi anjo panggaukang kammaya.

YOHANES 13:18

Tena nanataba ngasengko anne apa Kupabattua. Kuassemmi angkanaya inai-nai le'ba' Kupilei. Mingka musti a'rupai apa niaka tattulisi' lalang ri Kittaka, iamintu, ‘Tau Kuaganga sipangnganreang, la'jari musui ri Nakke.’

YOHANES 13:21

Le'ba'na akkana kamma Isa, a'jari dinging-dingimmi nasa'ring pa'mai'Na. Nakanamo, “Annaba tojengi anne kanangKu: Nia' sallang kalase'rennu ampasikongkolangA'.”