အွန်လိုင်း သမ္မာကျမ်းစာ

YOHANES 13:11 - KITTA' MATANGKASA'

¹¹ Anjo wattua Naassemmi Isa angkana inai ri ke'nanga lampasikongkolangi KalenNa. Iaminjo saba' na Nakana, “Tangkasa' mako mingka tenapa nutangkasa' ngaseng.”)

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

YOHANES 13:11
9 ပူးပေါင်းရင်းမြစ်များ

YOHANES 13:18

Tena nanataba ngasengko anne apa Kupabattua. Kuassemmi angkanaya inai-nai le'ba' Kupilei. Mingka musti a'rupai apa niaka tattulisi' lalang ri Kittaka, iamintu, ‘Tau Kuaganga sipangnganreang, la'jari musui ri Nakke.’

အခန်းကိုကြည့်ပါ။

YOHANES 13:2

Angnganre bangngi Isa siagang ana'-ana' gurunNa. Antama'mi Billisika ri atinna siagang cinnana Yudas, ana'na Simon Iskariot, sa'genna ero'mi Yudas ambalukangi Isa.

အခန်းကိုကြည့်ပါ။

YOHANES 13:21

Le'ba'na akkana kamma Isa, a'jari dinging-dingimmi nasa'ring pa'mai'Na. Nakanamo, “Annaba tojengi anne kanangKu: Nia' sallang kalase'rennu ampasikongkolangA'.”

အခန်းကိုကြည့်ပါ။

YOHANES 13:26

Appialimi Isa Nakana, “Anjo tau Kusarea roti, le'baka Kupatittili' naung ri mangkoka, iaminjo taunna.” Angngallemi roti Isa nampa Napatittili' antama' ri mangkoka; nampa Napassareang mae ri Yudas, ana'na Simon Iskariot.

အခန်းကိုကြည့်ပါ။

YOHANES 17:12

Ri wattu niakKu ija assiagang ke'nanga, Kujagaimi ke'nanga ilalang kakoasanna arenTa – iamintu areng Kipassareanga mae ri Nakke. Le'ba'mi Kujagai ke'nanga, sa'genna tena sikali tappela' manna sitau, pantaranganna ia musti tappela' memanga; sollanna ilalang ri kammana anjo na'rupamo apa niaka tattulisi' lalang ri Kittaka.

အခန်းကိုကြည့်ပါ။