YOHANES 12:6 - KITTA' MATANGKASA'

⁶ Nakkana kamma anjo Yudas, teai lanri nakamaseanna tu kasi-asia, passangalinna nasaba' palukkaki. Biasai naalle doe' nibolika, nipappirannuanga ri ia niboli'.

YOHANES 12:6 ပူးပေါင်းရင်းမြစ်များ

PAMMUJI 14:1

Untu' pamimpin pakelong. Pammujina Daud. Tu toloa nakana ri pa'mai'na, “Tena Allata'ala.” Panggaukanna ke'nanga ja'dalaki siagang rantasaki tena nia' a'gau' baji'.

PANGNGEBARANG 29:7

Tau bajika naassengi ha'na tau lammaya, mingka tau ja'dalaka tanapahangai.

YEHEZKIEL 33:31

Battui ke'nanga a'gapullung siagang salaku ummakKu ammempoi ke'nanga ampilangngeri kana-kanannu, mingka anjo apa nuparentakanga tena naturuki ke'nanga. Muncenna ke'nanga appasuluki kana-kana mangngai mingka atinna ke'nanga sangnging passawallanji nanawa-nawa.

MATIUS 21:13

Nampa Nakana ri anjo taua ngaseng, “Nia' tattulisi' lalang ri Kittaka angkana, Nakana Allata'ala, ‘Lanipareki balla' sambayang BallakKu.’ Mingka ikau ngaseng nupareki pa'rappungang paella'!”

LUKAS 8:3

Yohana, bainenna Khuza, pagawe balla' lompona Herodes; Susana, siagang jai pole bai'-baine maraeng. Ongkoso' kalenna napake ke'nanga ambantui Isa siagang ana'-ana' gurunNa.

YOHANES 10:13

Lari anjo tungnganre gajia, nasaba' untu' passawallanji bawang nakkalawaki. Tena najampangi anjo gimbalaka.

YOHANES 12:5

“Angngapa natanibalukanga tallum bilangngang doe' pera' anjo minynya'-minynya' bauka, nampa nipassareang ballinna mae ri tu kasi-asia?”

YOHANES 13:29

Nia' ri ke'nanga angkapangi, angkanaya nisuroi kutadeng Yudas mange ammalli apa-apa nikaparalluanga untu' anjo passua'-suarranga. Yareka nisuroi kutadeng Yudas assarei sike'de' doe' tu kasi-asia – nasaba' Yudas nisuro anta'galaki doe'na ke'nanga.

1 KORINTUS 6:10

inai-nai a'lukka', angngoa, siagang painung, inai-nai nangai ambicara kodi paranna tau siagang ampaccoki paranna tau – yangasemmi anjo tau kammaya takkullea a'jari umma'Na Allata'ala.

GALATIA 2:10

Se'reji bawang pappala'na ke'nanga mae ri kambe, iamintu parallui niparhatikang tu kasi-asia. Na inakke teai sipato' sannanna nyawaku anggaukangi anjo kammaya.

1 TESALONIKA 5:22

Pakabellai kalennu battu ri sangka' rupaya kaja'dallang.

YAKOBUS 2:2

Nasaba' punna nia' se're tau kalumanynyang ammake cincing bulaeng siagang pakeang ga'ga-ga'ga battu ri passe're-se'reannu, nampa nia' pole tu kasi-asi ammakeang kekke'-kekke',

YAKOBUS 2:6

Mingka ikau nuhinai tu kasi-asia; na sikontutojenna iaji anjo tu kalumanynyanga anjallakkangko siagang anre'resangko mange ri pangadelanga!