YOHANES 12:40 - KITTA' MATANGKASA'

⁴⁰ ‘Kupa'jari butai matanna ke'nanga, Kupa'jari ka'doroki atinna; sollanna taccinika matanna, natammahanga pikkiranna. Sollanna taeroka ammotere' mae ri Nakke, nampa Kuballei ngaseng sa'genna baji'.’ ”

YOHANES 12:40 ပူးပေါင်းရင်းမြစ်များ

1 KARAENG-KARAENG 22:20

Akkuta'nangi Karaeng Allata'ala, ‘Inai lanynyonyoki Ahab sollanna ero' a'lampa mange a'bundu' siagang mate ri Ramot ri Gilead?’ Tena nasangkamma-kamma pappialinna anjo malaeka'-malaekaka.

PAMMUJI 147:3

Napammollei tau la'baya pa'mai'na, siagang Naballei loko'na ke'nanga.

PAMMUJI 41:4

Lanitulungi ri Batara ri wattunna garring, siagang lanipammollei ammotere' ri garrinna.

PAMMUJI 6:2

O, Batara, teaKi' kapallakkia' lalang pangngalarroinTa, teaKi' hukkungia' lalang kalussakkangku.

KALAPPASSANG 10:1

Nakanamo Batara ri Musa, “A'lampako mange andallekang ri karaenga. Le'ba'mi Kupa'jari kapala batu ngaseng siagang sikamma pagawena, sollanna akkulle Kugaukang gau'-gau' malompoa ri tangnga-tangngana ke'nanga,

KALAPPASSANG 11:10

Nagaukang ngasemmi Musa siagang Harun sikamma gau' malompoa ri dallekanna karaenga, mingka nipa'jari kapala batui ri Batara, sa'genna taerokai allappassangi tu Israel ambokoi Mesir.

KALAPPASSANG 14:17

LaKupa'jari kapala batui tu Mesir sa'genna naondang tulusu' tu Israel, nampa Kupappicinikang kakoasangKu mae ri Karaeng Mesir, mae ri pasukanna, sikamma karetana siagang sikamma tau niaka rate.

KALAPPASSANG 14:4

LaKupa'jari kapala batui anjo karaenga sa'genna amminawang angngondangko. Mingka laKupappicinikangi kakoasangKu mae ri anjo karaenga siagang tantarana, na lanaasseng ke'nanga angkanaya iNakkemi Batara.” Nampa nagaukammo tu Israel situru' anjo apa Naparentakanga Batara mae ri ke'nanga.

KALAPPASSANG 14:8

Memang Batara ampa'jari kapala batui anjo karaenga, sa'genna naondang tu Israel niaka sitabang a'jappa ambokoi anjo pa'rasanganga nipimpinga ri Batara.

KALAPPASSANG 4:21

Nakana Batara ri Musa, “Le'ba' mako Kusare koasa untu' anggaukangi gau'-gau' malompoa. Jari punna ammotere' mako sallang ri Mesir, gaukammi anjo sikamma gau'-gau' malompoa ri dallekanna Karaeng Mesir. Mingka laKupa'jari terasaki pa'mai'na, sa'genna taeroka assarei ising untu' a'lampa anjo bansaya.

KALAPPASSANG 7:13

Mingka manna nakamma tuli kapala batuna karaenga taeroka anjampangi kana-kananna Musa siagang Harun, sangkamma le'baka Nakana Batara.

KALAPPASSANG 7:3

Mingka laKupa'jari anjo karaenga terasa' pa'mai'na. Tena nalanajampangiko, manna pole kuppabattu jai bala ri Mesir.

KALAPPASSANG 9:12

Mingka nipa'jari terasa' iji ulunna anjo karaenga ri Batara, na sangkamma le'baka Napau Batara, taerokai anjo karaenga anjampangi kananna Musa siagang Harun.

YESAYA 26:11

O, Batara, sadia maKi' langhukkungi musunTa, mingka tanaassengai kalenna ke'nanga. Lappassammi ke'nanga ammakkala' kacci anciniki pangngamaseanTa mae ri ummatTa. Lappassammi ke'nanga cappu' niancuru' ri hukkungang Kisadiakanga mae ri ke'nanga.

YESAYA 29:10

Napa'jari ta'do'dokko siagang attinro nyamangko Batara. Natongkoki matanna sikamma na'bia siagang nabomboki rupanna sikamma pacinika.

YESAYA 53:5

Mingka nilokoki lanri dosa-dosata ngaseng, nisessai passabakkang kaja'dallanta. Ia nihukkung sollanna ikatte nipasalama', lanri bokka' bate cambo' nakasiaka nakinipammolle.

YESAYA 6:10

Nampa Nakanamo mae ri nakke, “Pa'jari dongoki pikkiranna sikamma anjo taua, pa'jari tongoloki tolinna siagang pa'jari butai matanna sollanna takkullea accini', takkullea allangngere' siagang takkullea ammahang, nampa ammotere' mae ri Nakke sollanna Kupa'jari baji' ammotere'.”

YESAYA 6:9

Nampa Nasuroma' a'lampa angngerangi anne pasanga mae ri ummaka angkana: “Nupatulusuki allangngereka, mingka tena nanupahangi. Lanupatulusuki amparhatikangi, mingka tanuassengai apa kajarianga.”

YEREMIA 3:22

He ikau ngaseng sikontu tau ambokoiyai Batara, ammotere' mako! LaNapammolleko battu ri garrinnu, siagang laNapa'jariko majarre' ri pa'mai'nu. Nukana ngaseng, “Iyo, kamma-kamma anne ammotere'mi ikambe mae ri Batara, nasaba' Iami Allata'alana ikambe.

YEREMIA 5:21

“Pilangngeri, he ikau ngaseng sikamma tau dongoka siagang toloa! Nia' matannu, mingka tena nuccini'; nia' tolinnu mingka tena nullangngere'!

YEHEZKIEL 12:2

“He tau, ikau niakko ammantang ri tangnga-tangngana tau nangaia angngewa. Nia' matanna ke'nanga, mingka tena naccini'; nia' tolinna mingka tena nallangngere', lanri nangaina ke'nanga angngewa.

YEHEZKIEL 14:9

Punna nia' sitau na'bi nitipu sa'genna assare piali sala, iNakkemi antipui. INakke, Batara Kaminang Tinggia lampakabellai battu ri tu Israel.

HOSEA 14:4

Takkulleai Asyur ampasalamaki ikambe, siagang jarang pa'bundukanga takkulleai antulungi ikambe. Tenamo nalakkio' Allata'ala ikambe mae ri patung-patung napareka ikambe. O, Batara, Kikamaseangi sikamma tau tenaya apa-apa lanapattoang lampasalamaki.”

HOSEA 6:1

Nakana tu Israel, “Umba kimmotere' mae ri Batara. Ia ampa'risi nyawata mingka Ia todong ansaleori. Ia allokoki, mingka Ia todong lamballei anjo bokka'-bokkatta.

MATIUS 15:14

Tea' mako jampangi anjo tu Farisia. Anjo ke'nanga sangnging pamimping-pamimping buta. Na punna tau buta ammimping tau buta, tena tatu'guru'na rua-rua naung ri solonganga.”

MARKUS 4:12

sollanna ‘Lanaciniki tojemmi ke'nanga, mingka tanaassengai apa kajarianga, lanapilangngeri tojemmi ke'nanga, mingka tanapahangai, anne kajariangi sollanna tena naciniki siagang tena napahangi ke'nanga na tea battu mae ri Allata'ala, nampa nipammopporang ri Allata'ala ke'nanga.’ ”

MARKUS 6:52

Anjo passala' roti limambatu appakalannasaka tenapa napahangi ke'nanga. Sukkara' sikali napahang ke'nanga.

LUKAS 4:18

“Niaki RohNa Batara ri KalengKu, Nasaba' le'ba'Ma' Nalanti' untu' ambirittakangi Kabara' Bajika mae ri tu kasi-asia. NasuroA' battu untu' ampa'la'bangi biritta kalappassanna tu nitarungkua siagang lamaccini'na tu butaya; untu' allappassangi tu nijallakkanga

LUKAS 8:10

Appialimi Isa Nakana, “Ikau ngaseng nisare mako pangngassengang untu' angngassengi rahasia battua ri Allata'ala siagang PamarentahanNa. Mingka tau maraenga parallui niajara' siagang pangngebarang, sollanna accini' ke'nanga, mingka tanaassengai apa kajarianga; sollanna appilangngeri ke'nanga mingka takkulleai napahang.”

YOHANES 12:39

Iaminjo saba'na nataeroka tappa' ke'nanga, lanri le'ba'na tommo Na'bi Yesaya angkana: “Nakana Allata'ala,

YOHANES 9:39

Nakanamo Isa, “BattuA' antama' ri anne linoa untu' angngadeli; sollanna akkulle accini' tau butaya, na'jari buta tau accinika.”

LAMPA-LAMPANA 15:3

Nirurungammi ke'nanga ri anggota-anggota jama'aka sa'genna assulukang kota. Nampa a'lampa ke'nanga allalo ri Fenisia siagang Samaria. Anjoreng, nacaritami ke'nanga antekamma batena bansa-bansa maraenga ampassareang tommi kalenna mae ri Allata'ala. Sanna'mi rannuna ngaseng tau tappaka anjoreng allangngereki anjo kabaraka.

LAMPA-LAMPANA 28:26

Nakana RohNa Allata'ala, ‘A'lampako mange ampaui ri anne bansaya: Tuli lamallangngere'nu ngaseng, mingka tanupahangai; tuli lamaccini'nu ngaseng, mingka tanuassengai apa kajarianga.

LAMPA-LAMPANA 3:19

Lanri kammana minjo sari'battangku ngaseng, nuparallumo massing toba' battu ri dosa-dosanu, siagang ammotere' mako ri Allata'ala sollanna naNapammopporang dosa-dosanu.

ROMA 9:18

Jari, iaji namangngamaseang Allata'ala mae ri se'rea tau punna Nakaerokangi kammaya. Kammayatompa a'jari kapala batui se'rea tau punna Nakaerokangi Allata'ala kammaya.

PAOLE 29:4

Mingka sa'genna kamma-kamma anne tenapa Nasareko kasampatang untu' ampahang kabusuki angkana apa battuanna anjo apa le'baka nucini'.

YOSUA 11:20

Nipa'jari terasaki pa'mai'na ke'nanga ri Batara untu' a'bundu' siagang tu Israel, sollanna niancuru' ke'nanga, siagang nibuno tanikamaseang situru' parentaNa Batara mae ri Musa.