YOHANES 12:37 - KITTA' MATANGKASA'

³⁷ Manna pole najaimo gau'-gau' appakalannasa' le'ba' Nagaukang Isa ri dallekanna ngaseng ke'nanga, mingka tena naero' tappa' ke'nanga ri Ia.

YOHANES 12:37 ပူးပေါင်းရင်းမြစ်များ

MATIUS 11:20

Le'baki anjo appakkaramulami Nacalla Isa sikamma tau niaka ammantang anjoreng ri kotaya, lanri tenana naero' toba' ke'nanga. Na punna nipikkiri', anjoreng minjo ri kota-kotaya jai gau' appakalannasa' le'ba' Nagaukang Isa ri ke'nanga.

LUKAS 16:31

Mingka nakanamo Abraham, ‘Punna tena najampangi apa-apa napassuroanga Na'bi Musa siagang na'bi-na'bi maraenga, mattantu tena todong nalatappa' ke'nanga, manna pole nia' tau mate attallasa' poleang mange ampakaingaki ke'nanga!’ ”

YOHANES 1:11

Battui ri pa'rasangang KalenNa mingka tanitarimayai ri bansaNa.

YOHANES 11:42

Kuassengi angkanaya tuli Kipilangngeri pappalakKu; mingka naKupau anne, untu' ia ngaseng anne tau niaka anrinni, sollanna nakkulle tappa' ke'nanga angkanaya ma'nassa iKatte assuroA' battu.”

YOHANES 12:36

Tappa' mako ri anjo singaraka, ilalang nia'na ija anjo singaraka ri tangnga-tangnganu, sollannu a'jari ana'-ana' singaraka.” Le'baki akkana kamma anjo Isa, a'lampami ambokoi anjo tampaka, siagang taerokami ampappicinikangi KalenNa ri ke'nanga.

YOHANES 12:38

Jari a'rupami apa le'baka napau Na'bi Yesaya angkanaya, “O Batara, inaika tappa' ri kabara' napabattua ikambe? Inaimi lanipicinikiang kakoasanTa Batara?”

YOHANES 15:24

Ebara' angkana tenapa naKugaukangi apa-apa takkullea nagaukang tau maraenga ri tangnga-tangngana ke'nanga, tenaja nadoraka ke'nanga. Mingka kamma-kamma anne nacini'mi ke'nanga apa Kugaukanga, nanakabirisi ijA' siagang Manggea.

YOHANES 2:11

Iaminjo uru-uru gau' appakalannasaka Nagaukang Isa. Anjoreng ri kota Kana, ri pa'rasangang Galilea nigaukang anjo gauka. Lanri iaminjo pammateia naNapappicinikammo kalompoanNa. Tappa' ngasemmi ana'-ana' gurunNa ri Ia.

YOHANES 6:2

Battuna mange anjoreng jaimi tau ampinawangi, lanri nacini'na ngasemmo ke'nanga sikamma gau'-gau' appakalannasa' le'baka Nagaukang, iamintu Naballeina sikamma tau garringa sa'genna a'jari baji'.