YOHANES 11:54 - KITTA' MATANGKASA'

⁵⁴ Lanri kammana, tenamo Napappicinikangi KalenNa Isa ri dallekanna tau jaia ri tangnga-tangngana tu Yahudia. Nabokoimi Yudea, nampa a'lampa mange ri kota niarenga Efraim, a'reppeseka ri parang lompoa. Ammantammi anjoreng siagang ana'-ana' gurunNa.

YOHANES 11:54 ပူးပေါင်းရင်းမြစ်များ

2 SAMUEL 13:23

Ruan taung ribokoanganna appare'mi passua'-suarrang Absalom lanri anggoncinna bulu gimbala' ri Baal-Hazor, ri ampi'na kota Efraim. Naundang kabusu'mi ana' bura'nena karaenga.

2 PATTOTTORANG 13:19

Ri wattunna naondang Abia pasukanna Yerobeam, nia' siapa are kota siagang desa-desa niaka ri ampi'na anjo kota-kotaya naalle. Anjo kota-kotaya iamintu Betel, Yesana, siagang Efron.

YOHANES 10:40

Ammotere'mi Isa anta'leang ri ba'leanna Binanga Yordan, ri tampa'na Yohanes anje'neki taua pirangalloang. Ammantammi anjoreng.

YOHANES 18:20

Appialimi Isa Nakana, “Tuli silambusu'na bateKu a'bicara ri dallekanna tau jaia. Tuli angngajarakKa' ri sikamma balla' sambayanga siagang Balla'Na Allata'ala, tampa' biasaya napa'rappungi tu Yahudia. Tena le'bakai nia' apa-apa Kupau cokko-cokko.

YOHANES 7:1

Le'baki anjo a'lampami Isa ri kere-keremae ri pa'rasangang Galilea. Taerokai mange ri daera Yudea, lanri ero'na tukoasana tu Yahudia anjoreng ambunoi.

YOHANES 7:10

A'lampana ngasemmo sari'battanNa ri anjo passua'-suarranga, a'lampa cokko-cokkomi Kale-kalenNa Isa. Tena tau angngassengi ri wattunNa a'lampa.

YOHANES 7:13

Mingka tenanniakka manna sitau ero' a'bicara silambusu'na ri passala'na Isa, lanri malla'na ke'nanga ri tukoasana ngaseng tu Yahudia.

YOHANES 7:4

Tenanniakka tau ancokkoi apa-apa nagaukanga punna eroki a'jari masahoro'. Punna Nugaukang apa-apa kammaya anjo, musti naasseng ngasengi sikontu rupataua ri lino!” (