YOHANES 11:37 - KITTA' MATANGKASA'

³⁷ Mingka nia'mo ri ke'nanga angkana, “Akkullei Napa'jari accini' tau butaya, mingka angngapai natakkullea Natahang sollanna tamatea Lazarus?”

YOHANES 11:37 ပူးပေါင်းရင်းမြစ်များ

YESAYA 42:20

Israel, jai nucini', mingka tena nuparhatikangi, tassungkei tolinnu, mingka tena nullangngere'.”

MARKUS 15:32

Punna ma'nassa karaenna memang tongi tu Israelka, Karaeng Mappasalamaka, baji'mi punna Napanaung KalenNa battu ri anjo kayu sallika, sollanna na nicini' nakitappa' todong ri Ia!” Kammayatompa anjo tau naaganga Isa nisalli', katuru'-turukang tommi anghinai Isa.

LUKAS 23:35

Ammenteng ngasemmi tau jaia anjoreng ancini'-ciniki Isa. Na nicau-caumi Isa ri pamimping-pamimpinna tu Yahudia angkana, “Le'baki Napasalama' tau maraenga; coba sabeki Napasalama' KalenNa kamma-kamma anne, punna ma'nassa Karaeng Mappasalama' tojengi, nipilea ri Allata'ala!”

LUKAS 23:39

Nihinami Isa ri kalase'renna anjo tau ja'dala' naaganga nisalli', angkana, “Sai Karaeng MappasalamakKo? Pasalama'mi KalenNu siagang ikambe anne!”

YOHANES 11:21

Nakanamo Marta mae ri Isa, “O Batara, ka'de' naKinia' anrinni anjo wattua, mattantu tenapa nalamate sari'battangku.

YOHANES 11:32

Ri wattunna battumo Maria mange ri tampa'na Isa siagang nacini'mi Isa, akkulantu'mi Maria ri dallekanNa Isa na nakana, “O Batara, ka'de' naKinia' anrinni anjo wattua, mattantu tenapa namate sari'battangku.”