YOHANES 11:32 - KITTA' MATANGKASA'

³² Ri wattunna battumo Maria mange ri tampa'na Isa siagang nacini'mi Isa, akkulantu'mi Maria ri dallekanNa Isa na nakana, “O Batara, ka'de' naKinia' anrinni anjo wattua, mattantu tenapa namate sari'battangku.”

YOHANES 11:32 ပူးပေါင်းရင်းမြစ်များ

LUKAS 17:16

Nampa mange ri dallekanNa Isa, anynyomba appala' sukkuru' ri Isa. Anjo taua tau battu ri pa'rasangang Samaria.

LUKAS 5:8

Ri wattunna nacini' Simon anjo kajarianga, su'ju'mi ri dallekanNa Isa. Nampa nakana, “Bokoima' Batara! Nasaba' inakke anne tau doraka'!”

LUKAS 8:41

Nia'mo sitau kapala balla' sambayang battu mae ri Isa, iamintu niarenga Yairus. Su'ju'mi ri dallekanNa Isa, na napala' dudu sollanna ero' Isa a'lampa mange ri balla'na;

YOHANES 11:2

Iaminne Maria antirikiai minynya'-minynya' bau' bangkenNa Isa, nampa nalu'lu' siagang uu'na. Nia' se're wattu na nataba garring Lazarus.

YOHANES 11:21

Nakanamo Marta mae ri Isa, “O Batara, ka'de' naKinia' anrinni anjo wattua, mattantu tenapa nalamate sari'battangku.

YOHANES 11:37

Mingka nia'mo ri ke'nanga angkana, “Akkullei Napa'jari accini' tau butaya, mingka angngapai natakkullea Natahang sollanna tamatea Lazarus?”

YOHANES 4:49

Appialimi anjo pagawena karaenga, “O, Tuang, akkaro-karoKi' battu, ri tenanapa namate anakku.”

PAPPICINI' 22:8

Inakke, Yohanes, le'ba' ngasemmi kulangngere' siagang kucini' ngaseng sikammaya anjo. Le'ba'na kulangngere' siagang kucini', su'ju'ma' ri dallekanna anjo malaeka' ampicinikianga' sikammaya anjo, siagang ero'ma' anynyomba mae ri ia;

PAPPICINI' 5:14

Appialimi anjo appaka anu attallasa', angkana, “Aming!” Nasu'ju'mo anynyomba anjo pamimping-pamimpinga.

PAPPICINI' 5:8

Ri wattu appakammana anjo Ana' Gimbalaka, su'ju'mi naung anjo appaka anu attallasa' siagang anjo ruampuloa angngappa' pamimping ri dallekanNa anjo Ana' Gimbalaka. Massing anna'galaki kacaping siagang mangko' bulaeng niaka kamanynyanna anjo ke'nanga, iamintu pappala' doanganna Umma'Na Allata'ala.