YOHANES 11:16 - KITTA' MATANGKASA'

¹⁶ Nakanamo Tomas, nigallaraka “I Kambara'” mae ri agang-aganna ana' gurunNa Isa, “Umba kimminawang, boli'mi kamma nakisikamateang siagang Ia!”

YOHANES 11:16 ပူးပေါင်းရင်းမြစ်များ

MATIUS 10:3

Nampa Filipus siagang Bartolomeus, Tomas siagang Matius pasingara' simaya; kammayatompa Yakobus ana'na Alfeus, siagang Tadeus;

MATIUS 26:35

Appialimi Petrus nakana, “Manna pole lasikamateangki', mingka tena sikali nakuero' ansassaliKi'!” Kammayatompa ana'-ana' gurunNa maraenga akkana kamma ngaseng tommi.

MARKUS 3:18

Andreas, Filipus, Bartolomeus, Matius, Tomas, Yakobus ana'na Alfeus, Tadeus, Simon nigallaraka Patriot,

LUKAS 22:33

Appialimi Petrus nakana, “O, Batara, sadiama' antama' ri tarungkua siagang assikamateang siagang iKatte!”

LUKAS 6:15

Matius siagang Tomas, Yakobus ana'na Alfeus, na Simon (nigallaraki Patriot),

YOHANES 11:15

Mingka sannangi Kusa'ring pa'maikKu lanri tenaKu anjoreng namate. Nasaba' la'bi bajikangangi untu' ikau ngaseng punna Kutena anjoreng, sollannu akkulle ngaseng tappa'. Umbamo nakia'lampa mae ri Lazarus kamma-kamma anne.”

YOHANES 11:8

Appialimi ke'nanga angkana, “O Bapa' Guru, tenapa nasallo le'batTa ero' nasambila batu tu Yahudia. Angngapa naKiero'moseng ammotere' mange anjoreng kamma-kamma anne?”

YOHANES 13:37

Akkuta'nammi pole Petrus nakana, “Angngapa nakutakkullea amminawang kamma-kamma anne Batara? Kurellakangi kalengku mate untu' iKatte Batara!”

YOHANES 14:5

Nakanamo Tomas ri Isa, “O Batara, tanaassengai ikambe angkana la'lampa kemaeKi', jari antekamma lakkulle niasseng oloanga?”

YOHANES 21:2

Nia' se're allo na'rappungang Simon Petrus, Tomas nigallaraka i Kambara', Natanael battua ri Kana ri Galilea, ana'-ana'na Zebedeus, siagang rua ana' gurunNa Isa maraenganga.

LAMPA-LAMPANA 1:13

Ri wattunna battu ke'nanga mange ri Yerusalem, mangemi ke'nanga ri balla' napannumpangia ke'nanga, nampa nai' ke'nanga ri kamara' ratea ri lotenga. Anjo sikamma tunisuroa iamintu Petrus, Yohanes, Yakobus, Andreas, Filipus, Tomas, Bartolomeus, Matius, Yakobus ana'naya Alfeus, Simon nigallaraka Patriot, na Yudas ana'naya Yakobus.