YOHANES 11:11 - KITTA' MATANGKASA'

¹¹ Kammaminjo Nakanaya Isa. Nampa Nakana pole, “Attinromi passari'battanganta Lazarus; mingka lamangeA' ampabangungi.”

YOHANES 11:11 ပူးပေါင်းရင်းမြစ်များ

2 KARAENG-KARAENG 4:31

A'lampa riolomi Gehazi ri dallekanna ke'nanga untu' ampadongkoki takkanna Elisa ri kalenna anjo anaka, mingka tena sikali sa'ra yareka pammatei maraengannaya angkanaya attallasaki anjo anaka. Nampa a'lampamo Gehazi ambuntuli Elisa na nakana, “Tena nambangung anjo anaka.”

2 PATTOTTORANG 20:7

IKattemi Allata'alana ikambe. Ri wattunna battu ummatTa Israel mae anrinni ri pa'rasanganga, Kibongkai sikamma tau niaka ammantang anrinni anjo wattua. Nampa Kipassareang anne pa'rasanganga mae ri jari-jarina Abraham, belata, untu' a'jari butta napatang ke'nanga satunggu-tungguna.

KALAPPASSANG 33:11

Assidallekammi a'bicara Batara siagang Musa, rapang tau a'bicaraya siagang aganna. Le'baki anjo ammotere'mi Musa mae ri pakkemaanga. Mingka Yosua ana'na Nun, turungka pambantuna Musa, tuli ammantanna lalang ri anjo Kemaya.

YESAYA 41:8

Mingka ikau, he Israel, atangKu, umma' Kupilea, ikau turunganna Abraham, sahabakKu.

DANIEL 12:2

Jai ri ke'nanga mateamo lattallasa' poleangi; sipa'gang lanakasiaki katallassang mannannunganga na sipa'gang pole lanakasiaki tunaya siagang kapa'risanga sa'genna todong satunggu-tungguna.

MATIUS 27:52

Tassungkemi kuburuka, siagang jaimi tau mate umma'Na Allata'ala nipattallasa' poleang.

MATIUS 9:24

Nakanamo Isa ri ke'nanga, “Assulu' ngasengko! Katena namate anne anaka, mingka attinronaja.” Ammakkala'mi taua angkakkali Isa.

MARKUS 5:39

Antama'mi Isa ri ballaka nampa Nakana ri ke'nanga, “Angngapa nugegere' siagang angngarru' kamma ngaseng? Anjo anaka tena namate, mingka attinronaja!”

YOHANES 11:10

Mingka inai-nai a'jappa ri wattunna bangngi latatto'roi, nasaba' tena cayana singaraka ri ia.”

YOHANES 11:12

Nakanamo ana'-ana' gurunNa Isa, “Batara, punna attinromi Lazarus, la'jari baji'mi antu ri garrinna.”

YOHANES 11:13

Ia natabaya kananNa iamintu matemi Lazarus. Mingka nakanai ke'nanga anjo Napakkanaya Isa, attinro biasaji Lazarus.

YOHANES 11:3

Assaremi kabara' anjo ruaya sari'battanna mae ri Isa, angkana, “O Batara, garringi sari'battanna ikambe Kikamaseanga.”

YOHANES 3:29

Ia bunting bainea, bunting bura'nea pata. Anjo passari'battanganna bunting bura'nea poro ammentennaji anrurungangi siagang ampilangngeri kananna; na sanna' nangaina ampilangngeri sa'ranna anjo bunting bura'nea. Inakke kamma tomma' anjo. Sannang sikalimi atingku kamma-kamma anne.

LAMPA-LAMPANA 7:60

Nampa akkulantu' siagang ammarrang lompo, nakana, “O Batara, teaKi' patanggongiangi anne dosaya mae ri ke'nanga.” Le'baki akkana kamma, matemi Stefanus.

1 KORINTUS 15:18

Battuanna pole, sikamma anjo tau Karisteng mateamo, tena tommo panrannuanna.

1 KORINTUS 15:34

Angngu'rangi mako ri kamma-kammaya anne, siagang tea' mako eroki pole a'gau' dosa. Siratanna musti a'jari siri'-sirikko lanri nia'na ija ri tangnga-tangnganu tau tenapa natappa' ri Allata'ala.

1 KORINTUS 15:51

Parhatikangi anne rahasiaya: tena nilamate ngaseng, mingka lamminra ngasengki'.

EFESUS 5:14

Na sikontu apa nicini' bajika, a'jari singara'mi. Iaminjo saba'na nania' nikana, “Ambangungko ikau tau tinroa, ammentengko nai' battu ri kamateanga! Accayami singara'Na Almasi irateangannu.”

PAOLE 31:16

Nakana Batara mae ri Musa, “A'reppese'mi a'jala'nu. Punna a'boko mako, lamamminrami nyawana bansa Israel mae ri Nakke siagang takkaluppami ri parjanjiang Kupareka siagang ke'nanga. LanabokoiA' ke'nanga untu' a'lampa mange anynyomba ri rewata-rewata nisombaya ri pa'rasangang tenayamo nasallo nanupantamakki.

1 TESALONIKA 5:10

Matemi Isa untu' ikatte, sollanna punna battu poleang sallang – baji' nanittallasa' ija, yareka nakimatemo – akkulleki' attallasa' sipa'rurungang siagang Ia.

YAKOBUS 2:23

Anjo situru'mi nakanaya lalang ri Kittaka, “Tappaki Abraham mae ri Allata'ala, siagang lanri iaminjo tappa'na nanitarimamo ri Allata'ala salaku tau anggaukangai ero'Na Allata'ala.” Iaminjo saba'na nanigallara'mo Abraham, “Agang baji'Na Allata'ala.”