YOHANES 10:34 - KITTA' MATANGKASA'

³⁴ Appialimi Isa Nakana, “Tenaka natattulisi' lalang ri Kitta' Hukkunnu angkanaya: Nakana Allata'ala, ‘allata'ala ngasengko’?

YOHANES 10:34 ပူးပေါင်းရင်းမြစ်များ

PAMMUJI 138:1

Battu ri Daud. O, Batara, erokka' appala' sukkuru' mae ri Katte, lalang sibatu pa'maikku. Ri dallekanna sikontu rewataya kukkelong lagu pammuji mae ri Katte.

PAMMUJI 82:1

Pammujina Asaf. Allata'ala ampimpingi sidang kakaraenganga ri suruga, nampa assare kaputusang angkana,

KALAPPASSANG 22:28

Teako sumpai Allata'ala, siagang teako tunrai pamimpinna bansanu.

KALAPPASSANG 4:16

Ia musti a'bicarai lalang arennu ri dallekanna ra'yaka. Ia la'jari juru bicaranu siagang lanapasangkammako angkanaya Allata'ala ampaui anjo apa mustia napau.

KALAPPASSANG 7:1

Nakanamo Batara ri Musa, “LaKupa'jariko sanrapang Allata'ala ri dallekanna karaenga, siagang sari'battannu Harun la'bicara mae ri ia salaku na'binu.

YOHANES 10:35

Niassengi angkanaya apa tattulisika lalang ri Kittaka tappakei sa'genna satunggu-tungguna. Jari, punna Allata'ala anggallaraki ‘allata'ala’ sikamma tau ampilangngeriai kananNa,

YOHANES 12:34

Nakanamo anjo tau jaia ri Ia, “Manuru' Kitta' Hukkung niaka ri kambe, anjo Karaeng Mappasalamaka lattallasaki sa'genna satunggu-tungguna. Antekamma Nukkulle angkana musti nipakatinggi anjo Ana' Ma'rupataua ri lino? Inaika anjo Ana' Ma'rupataua?”

YOHANES 15:25

Mingka musti kamma memang tommi anjo, sollanna a'rupamo apa tattulisika lalang ri Kitta' Hukkunna ke'nanga, iamintu: ‘NakabirisiA' ke'nanga, natena passabakkang.’

YOHANES 8:17

Nia' tattulisi' lalang ri Hukkung napassareanga Musa angkana: Kasa'biang tojenga, iamintu kasa'biang battu ri ruaya tau.

1 KORINTUS 14:21

Nia' tattulisi' lalang ri Kittaka angkanaya, “Nakana Batara, ‘Tete ri sikamma tau a'bicaraya siagang bicara appakalannasa', erokKa' a'bicara mae ri anne ummaka. Ba'lalo, tete ri bansa-bansa maraenga, erokKa' a'bicara mae ri ummakKu; mingka manna nakamma, taerokai ke'nanga allangngereki kana-kanangKu.’ ”