YOHANES 1:50 - KITTA' MATANGKASA'

⁵⁰ Nakanamo Isa, “Iaji nutappa', lanri Kupauna angkanaya le'ba' mako Kucini' irawanganna anjo poko' araya? Apa-apa lompoanganga pole na anjo lanucini' sallang!”

YOHANES 1:50 ပူးပေါင်းရင်းမြစ်များ

MATIUS 13:12

Nasaba' tau niakamo apa-apanna lanitambaiangi pole sijaiang, sa'genna kala'biang. Mingka tau tenaya apa-apanna, yareka naniaka sike'de' apa-apanna, lanialleangi ba'lalo ammotere'.

MATIUS 21:19

Nia' nacini' se're poko' ara ri biring aganga. Mangemi anjoreng ri poko' araya. Mingka manna sibatu tania' Nacini' rapponna pantaranganna leko-leko'na bawang. Nakanamo Isa ri anjo poko' araya, “Tenamo nukkulle a'rappo pole!” Nakalumeng memammo silalonna anjo poko' araya.

MATIUS 25:29

Nasaba' tau niakamo ri ia, lanitambaiangi pole la'bi jai, sollanna la'jari kala'biang. Mingka tau tenayapa ri ia, lanialleangi pole apa-apa niaka sike'de' ri ia.

LUKAS 1:45

Mate'ne mako, lanri tappa'nu angkanaya lakajariangi ri kalennu anjo Napabattua Batara ri kau!”

LUKAS 7:9

Sanna' lannasa'Na Isa allangngereki anjo pappasanna perwiraya. Assailemi nampa Nakana mae ri tau jai niaka amminawang ri Ia angkana, “Teai sipato' anne taua. Manna ri alla'na bansa Israelka tena tompa naKule'ba' ammuntulu' tau lompo kammaya anne tappa'na!”

YOHANES 1:49

Nakanamo Natanael, “Bapa' Guru, iKattemi Ana'Na Allata'ala! IKattemi Karaenna bansa Israel!”

YOHANES 1:51

Nakanamo pole Isa, “Tappa' mako, angkanaya sitojeng-tojenna lanuciniki tassungke langika, siagang lanai'-naungi malaeka'-malaekaka ri Ana' Ma'rupataua.”

YOHANES 11:40

Nakanamo Isa ri Marta, “Sai le'ba' mako Kupauang angkanaya: Punna tappakko, lanuciniki antekamma lompona koasaNa Allata'ala!”

YOHANES 20:29

Nakanamo Isa ri ia, “Sai tappa' mako nasaba' nucini'Ma'? Mate'nei tau tappaka, mangKu tanaciniKa!”