YOHANES 1:19 - KITTA' MATANGKASA'

¹⁹ Nisuromi imang-imanga siagang tu Lewia ri tu Yahudi anna'galaka koasa ri Yerusalem, mange akkuta'nang ri Yohanes, angkana, “Inaiko antu?”

YOHANES 1:19 ပူးပေါင်းရင်းမြစ်များ

YOHANES 1:7

Battui angngerang kabara' ri passala'na anjo Singaraka, sollanna akkulle tappa' ngaseng rupataua.

YOHANES 10:24

na anjo wattua battui tu Yahudia a'rappungang ri tammuliliNa Isa. Nakana ke'nanga ri Isa, “Sa'gennapi siapa sallona laNubalang parekangki' anne ranggasela? Paumi silambusu'na, punna ma'nassa iKau mintu Karaeng Mappasalamaka.”

YOHANES 10:31

Angngallemi pole batu ke'nanga ero' ansambilai Isa.

YOHANES 11:19

Jaimi tu Yahudi battu angkunjungi Marta siagang Maria untu' ansaleori ke'nanga lanri matena sari'battanna.

YOHANES 2:18

Battumi tau anna'galaka koasa ri tu Yahudia andallekangi Isa. Nakanamo ke'nanga, “Coba sai gaukang gau' appakalannasaka, akkullea a'jari pammatei ri ma'nassaNu siratang anggaukang ngasengi anne sikammaya.”

YOHANES 2:20

Nakanamo ke'nanga, “Patampuloi angngannang taung sallona nipake untu' ambangungi anne Ballaka. Nampa erokKo iKau ambangung poleangi lalanna tallungalloa?”

YOHANES 5:10

Lanri kammana, nakanamo tau anna'galaka koasa ri tu Yahudia mae ri anjo tau beru bajika ri garrinna, nakana, “Anne alloa allo Pammari-mariangi. Tena nakkulle nuangka' tappere'nu.”

YOHANES 5:15

A'lampami anjo taua mange ampauangi sikamma tau anna'galaka koasa ri tu Yahudia, angkana Isa le'ba' amballei na'jari baji'.

YOHANES 5:16

Jari ero'mi ke'nanga ansessai Isa, lanri Naballeina taua ri wattunna allo Pammari-marianga.

YOHANES 5:18

Pila' ero'mi ke'nanga ambunoi Isa, lanri akkana kammana Isa. Eroki ke'nanga ambunoi Isa, tena napassabakkang Naballeina bawang taua ri allo Pammari-marianna ke'nanga, mingka lanri Nakanana pole Isa angkanaya Bapa'Na anjo Allata'ala; jari battuanna, Napasangkammai KalenNa Allata'ala.

YOHANES 6:41

Appakkaramulami a'moro-moro tu Yahudia mae ri Isa, lanri angkanaNa Isa, “INakkemi roti manurunga battu ri suruga.”

YOHANES 6:52

Nalangngere'na akkana kamma Isa, a'gea'mi tu Yahudia massing para ia. Nakana ke'nanga, “Antekamma lakkulle anne taua ampassareangi KalenNa mae ri kambe lanipa'jari kanre?”

YOHANES 7:1

Le'baki anjo a'lampami Isa ri kere-keremae ri pa'rasangang Galilea. Taerokai mange ri daera Yudea, lanri ero'na tukoasana tu Yahudia anjoreng ambunoi.

YOHANES 7:11

Lalang nigaukanna anjo passua'-suarranga, niboyami Isa ri tukoasana ngaseng tu Yahudia. Akkuta'nammi ke'nanga angkana, “Kemaei Isa?”

YOHANES 7:15

Lannasa' ngasemmi tukoasana tu Yahudia, siagang nakanamo ke'nanga, “Antekamma nakkulle jai kamma Naasseng anne taua, natale'baka assikola?”

YOHANES 8:22

Nakanamo siapa are tu ammarentaya ri tu Yahudia, “Gassingka eroki Nabuno KalenNa kaNakana, ‘Ri tampa' laKumangeia, takkulleako mange anjoreng.’ ”

YOHANES 8:48

Appialimi anjo tu Yahudia ri Isa angkana, “Sai kammatojengi kananna ikambe angkanaya ikau mintu tu Samaria nasosoka setang?”

YOHANES 8:52

Nakanamo anjo tu Yahudia ri Isa, “Kamma-kamma anne niassemmi angkanaya ma'nassa nasosokKo setang! Kalenna Abraham matemi, kammayatompa na'bi-na'bia mate ngaseng tommi. Mingka iKau Nukana, ‘Inai-nai anturuki kanangKu, tena nalamate sa'genna satunggu-tungguna.’

YOHANES 8:57

Nakanamo tu Yahudia ri Isa, “Tenapa limampulo taung umuru'Nu, na Nukana Nucini'mi Abraham?”

LAMPA-LAMPANA 13:25

Na ri wattu lakala'busannamo jama-jamanna Yohanes, nakanamo mae ri taua, ‘Turu' panggappanu, anne inakke inaia'? Teai inakke anjo Tau salloamo nutayang. U'rangi, anjo Taua labattui ri bokoangangku; manna assungkeangi passikko' sapatuNa tena todong kusiratang.’

LAMPA-LAMPANA 19:4

Nakanamo Paulus, “Naje'neki Yohanes taua sollanna akkulle nipa'nassa angkanaya ma'nassa toba' ngasemmi anjo taua battu ri dosa-dosana. Mingka tuli napau tongiji Yohanes mae ri tu Israelka, angkanaya musti tappaki ke'nanga mae ri Tau niaka battu ribokoanganna, iamintu Isa.”

PAOLE 24:8

Punna nia' tau garring sala ri tangnga-tangnganu, gaukangi siagang baji' apa naparentakanga imang-imang Lewi mae ri kau; turuki sikamma apa napijo'jokiangko.

1 YOHANES 1:5

Iaminne biritta le'baka nalangngere' ikambe battu ri Ana'Na siagang eroka napabattu ikambe mae ri kau ngaseng: Iaminjo Allata'ala singaraka, siagang tena sikali apa-apa sassang ri Ia.