YO"EL 3:6 - KITTA' MATANGKASA'

⁶ Pandudu'na Yehuda siagang Yerusalem nuerangi a'lampa bella battu ri pa'rasanganna; nampa nubalukang mae ri bansa Yunani.

YO"EL 3:6 ပူးပေါင်းရင်းမြစ်များ

YEHEZKIEL 27:13

A'danggangko mange ri Yunani, ri Tubal, siagang Mesekh; na salaku ballinna annarimako battu ri ke'nanga iamintu siapa are tau ata siagang barang-barang tambaga.

YO"EL 3:3

Nagoccangi ke'nanga untu' ampattantui angkanaya inai anggappai tunitahanga. Nabalukangi ke'nanga tuloloa siagang turungkaya untu' nipa'jari ata. Nampa doe'na napakei ke'nanga assundala' siagang untu' angnginung anggoro'.

YO"EL 3:8

Ana'nu bura'ne baine laKubalukangi mae ri pandudu'na Yehuda, nampa nabalukang ke'nanga mae ri Syeba, iamintu pa'rasangang sannaka bellana. INakke, Batara, anne akkana.

ZAKHARIA 9:13

Yehuda laKupake a'jari salaku pana tubarani, siagang Israel salaku ana' pana sadiaya lanipabuccu'. Pandudu'na Sion laKupake salaku pa'dang; anjo pa'danga laKupake ambuccuki sikontu tu Yunani.”

PAOLE 28:32

Lanipassareangi ri dallekanna matannu sikamma ana'nu salaku ata mae ri bansa maraenga. Allo-allona pacce matannu amboyai anjo ana'-ana'nu, mingka tena matu-matunna usahanu, nasaba' tenamo nalammotere' ke'nanga.

PAOLE 28:68

LaNakiringko ammotere' Batara mange ri Mesir siagang kappala', manna pole nale'ba'mo angkana angkanaya tenamo nulammotere' mange anjoreng. Anjoreng lanubalukangi kalennu a'jari ata mae ri musunnu, mingka manna sitau tania' ero' amballiko.”