YO"EL 3:19 - KITTA' MATANGKASA'

¹⁹ Mesir la'jari parang kalotoroki, Edom la'jari rosoki, tena tau ampammantangngi. Nasaba' le'baki nabunduki tu Yehuda, siagang nabuno pandudu'na pa'rasangang tenaya salana.

YO"EL 3:19 ပူးပေါင်းရင်းမြစ်များ

PAMMUJI 137:7

O, Batara, Kiu'rangi panggaukanna tu Edom ri wattunna niancuru' Yerusalem. Nakana ke'nanga, “Rumbangi, rumbangi sa'genna naung ri lappara'na!”

YESAYA 11:14

Lassamai ke'nanga ambunduki tu Filistin ri bageang ilau' siagang anrampasaki bansa-bansa bageang irayaya. Lanapatunduki ke'nanga bansa Edom siagang Moab, siagang bansa Amon latundu' tongi mae ri ke'nanga.

YESAYA 11:15

LaNakalotori Batara tamparang Tarrusu'na Suez. Lappareki anging bambang, ammirika sa'genna Binanga Efrat a'jarimi tuju kaloro' ca'di sike'deka je'ne'na, sikontu taua allimbangi natanapasuluka sandala'na.

YEREMIA 49:17

Nakana Batara, “Bala lantujuai Edom lasanna' heba'na, sa'genna sikamma tau allaloa anjoreng lata'bangkai siagang lamallaki.

YEREMIA 51:35

Pandudu'na Sion, paumi angkana, “Dasi-dasi nanituju Babel ri kapallakkang sangkammaya nagaukanga mae ri katte!” Pandudu'na Yerusalem, paumi angkana, “Dasi-dasi nanituju Babel ri kapa'risang sangkammaya napabattua mae ri katte!”

PIRAUNG 4:21

He bansa Edom siagang Us, ammakkala' mako, rannu mako lalang nukullena! Balaya labattu tongi mae ri kau na lanusolarri kalennu lanri nasa'ringko.

OBAJA 1:1

Iaminne boto napabattua Na'bi Obaja; napabattui pasanNa Batara Kaminang Tinggia ri passala'na bansa Edom: Nakirimmi battu tunisuroNa Batara mae ri bansa-bansaya, siagang le'ba'mi nilangngere' pasang naeranga kamma anne, “Sadia mako untu' a'bundu'! Umba ki'lampa mange ambunduki bansa Edom.”

HABAKUK 2:17

Nuta'bangi poko'-pokoka ri romanna Libanon, siagang kamma-kamma anne ikau kalennu lanita'bang. Nubunoi olo'-olo'na, siagang kamma-kamma anne napa'jari mallakko anjo olo'-oloka. Nakajariang kabusu' anjo kammaya lanri pammunoang siagang kapallakkang le'baka nugaukang mae ri pa'rasangang-pa'rasanganga, kota-kotaya siagang pandudu'na.

ZAKHARIA 10:10

LaKupoterangi ke'nanga battu ri Mesir siagang Asyur. LaKuboliki ke'nanga ri pa'rasangang kalenna. Kuerangi ke'nanga mange ri Gilead kammayatompa Libanon, sa'genna rassi sikontu pa'rasanganga napakamma ke'nanga.

2 TESALONIKA 1:6

LaNagaukangi Allata'ala apa adeleka. LaNabalasaki passessa sikamma tau le'baka ampa'jari sessako.