YO"EL 3:13 - KITTA' MATANGKASA'

¹³ Sanna' ja'dala'na ke'nanga; te'baki ke'nanga rapang gandung ti'noka ri kokoa. Onjo'-onjokangi ke'nanga rapang anggoro' niaka lalang ri pammaccokanga, rassia sa'genna tattumpa.

YO"EL 3:13 ပူးပေါင်းရင်းမြစ်များ

PA'JARIANG 13:13

Anjo kota Sodom sangnging tau sanna' ja'dala'na siagang tau doraka ngaseng ri Batara ammantang anjoreng.

PA'JARIANG 15:16

Punna narapi'mo patang lapisi' turungannu, lammotere'mi cucu-cucunnu mae anrinni, nasaba' talaKubongkayapi a'lampa tu Amori punna tenapa ta'liwa' ja'dala'na ke'nanga sa'genna parallu nihukkung.”

PA'JARIANG 18:20

Nampa Nakana pole Batara mae ri Abraham, “Nia' tuduhang lompo mae ri kota Sodom siagang Gomora, siagang anjo ke'nanga memang teai sipato' lompona dosana.

YESAYA 17:5

Anjo Israel lasanrapangi koko ri Refaim cappuka le'ba' nikatto gandunna, na sike'de' mamo tassesa.

YESAYA 63:3

“Kale-kalengKu antama' ri pammaccokang anggoroka tena battu ri ummakKu antulungA'. Kuonjo'-onjokangi bansa-bansaya lalang larroKu, rapang tau angngonjo'-onjokanga rappo anggoro'. Tappaccoki cera'na ke'nanga na nabasai bajungKu, nara'massi sikontu pakeangKu.

YEREMIA 51:33

Tasalloami nanibeta ke'nanga siagang nionjo'-onjokang ri musua rapang gandung ri tampa' panggilinganga. INakke, Batara Kaminang Koasaya, iamintu Allata'alana Israel, anne akkana.”

PIRAUNG 1:15

Napakatunai Batara sikontu tubaraniku porea. Napagio' kabusuki tantaraya sollanna putta sikontu tau rungkaku. Naonjo'-onjokangi bansaku sa'genna ancuru', rapang tau ammaccoka rappo anggoro'.

HOSEA 6:11

Ri sesena ikau, he tu Yehuda, le'ba'mi Kupattantu wattunnu untu' laKuhukkung todong lanri panggaukannu.”

MATIUS 13:39

Na ia musu appakioroka rea iamintu Billisika. Wattu pakkattoanga, iamintu Allo Kiamaka, na anjo tau akkattoa, iamintu sikamma malaekaka.

MARKUS 4:29

Na punna toamo anjo gandunga yareka narapi'mi wattu pakkattoanga, appakkaramulami akkatto.”

PAOLE 16:9

“Rekengi pintuju tattujui allo, appakkaramula ri allo pakkaramula akkattonu gandung,

PAPPICINI' 14:14

Nampa kuciniki, na nia'mo kucini' rammang kebo'. Irate ri anjo rammanga nia' sitau ammempo sangkammaya nicini' tau tanja'Na. Ri ulunNa nia' songko' bulaeng, na ri limanNa nia' se're kandao tarang.

PAPPICINI' 19:15

Battu ri bawaNa nia' assulu' pa'dang tarang; siagang iaminjo pa'danga laNapake ambetai bansa-bansaya, nampa laNaparenta ke'nanga siagang takkang bassi. LaNapaccoki anggoroka lalang ri pammaccokang anggoro' kalarroanNa Allata'ala Kaminang Koasaya.