YO"EL 2:30 - KITTA' MATANGKASA'

³⁰ Jai gau' malompo laKugaukang ri langika siagang ri buttaya. Lania' cera' assolong, pepe' a'rinra siagang umbu a'gompo.

YO"EL 2:30 ပူးပေါင်းရင်းမြစ်များ

PA'JARIANG 19:28

Accini'mi mae ri Sodom siagang Gomora kammayatompa ri sikontu lapparaka, nanacini'mo umbua nai' battu ri anjo tampaka, sangkamma umbu battu ri pappalluang sannaka lompona.

KELONG MALA'BIRI' 3:6

Apa kutadeng anjo niaka battu ri parang lompoa, sangkamma umbu a'rumbua? Bau'na sangkammai muru' siagang kamanynyang, siagang ba'ra' battua ri padangganga.

YEREMIA 4:28

Lasusai buttaya, sassang makkapuki langika. Le'ba'mi akkana Batara siagang talaNapinrayami rancanaNa. Le'ba'mi Napattantu Natappuki talammonokai manna sike'de'.

ZAKHARIA 14:6

Punna battu anjo alloa, talaniakkamo dinging yareka es.

MATIUS 24:29

“Tena nasallo ri le'ba'na anjo wattu kasusaanga, la'jari sassammi alloa, na tenamo naccaya singara' bulanga. Latu'guru' ngasemmi bintoenga battu ri langika. Na sikamma makoasaya lalang lino, la'jari sanna'mi ricuna.

LUKAS 21:11

Lata'ge'gosoki buttaya ri kere-keremae. Lanaallei cipuru' siagang lanatabai garring sikamma rupataua. Nia' lakajariang apa-apa sannaka appakamalla'na rate ri langika.

YOSUA 8:20

Assailemi tu Ai mae ri boko, siagang nacini'mi ke'nanga umbua nai' ri langika. Nacini' tommi Yosua siagang pasukanna anjo umbua, siagang naassemmi ke'nanga angkanaya nipantamakkimi anjo kotaya ri anjo pasukang maraenga. Jari nagilimmi kalenna Yosua siagang pasukanna untu' a'bakka ambunduki siagang ambunoi tu Ai. Nampa battu tommi tu Israel niakamo anjoreng ri kota Ai amminawang ambunduki ke'nanga, sa'genna nilipummi tu Ai siagang tenamo kalappassanna untu' lari. Tena manna sitau ri ke'nanga ta'lappasa'; yangasenna nibuno ngasengi ri tu Israel,

PAPPICINI' 18:18

Siagang ammarrammi ke'nanga ri wattunna nacini' ke'nanga nai' umbu pepe' angkanreai anjo kotaya. Nakana ke'nanga, “Tenanniakkapa kota maraeng assangkamma anne kota lompoa!”

PAPPICINI' 18:9

Amminawang tongi karaeng-karaeng linoa ri panggaukang bawanna siagang hawa napasuna anjo bainea; jari lamminawang tommi ke'nanga angkarruki siagang ampiraungi anjo kotaya punna nacini' ke'nanga nai' umbunna pepe' ampamutungai.

PAPPICINI' 8:7

Napasa'rami tarompe'na malaeka' makase'rea; turummi bosia kamma es siagang pepe', accampuruki siagang cera' sannaka batena a'lo'loro' naung ri buttaya. La'busu'mi bage talluna linoa akkanre; kammayatompa bage tallunna poko'-poko' kayua, siagang sikamma ruku'-ruku' moncongbuloa.

HAKING-HAKING 20:38

Mingka le'ba'mi assamaturu' la'bi riolo ke'nanga, angkanaya punna nia' umbu kapala' nai' battu ri tangnga-tangngana anjo kotaya,

HAKING-HAKING 20:40

Mingka sikali nia'mo umbu appakkaramula nai' battu ri tangnga-tangngana kota Gibea. Ta'bangkami tu Benyamin wattunna assaile ke'nanga na nacini' sikontu kotana ke'nanga akkanre.