YO"EL 2:26 - KITTA' MATANGKASA'

²⁶ Lagannakko ri kanre-kanreang siagang labassoroki nusa'ring. Lanupakala'biriki Karaeng Allata'alanu, nasaba' Nagaukangi mae ri kau jai gau' malompo. UmmakKu tenamo nalanicau-cau!

YO"EL 2:26 ပူးပေါင်းရင်းမြစ်များ

PA'JARIANG 33:11

Kupalaki, nakitarima anne passare kueranga. Baji' pa'mai'mi Allata'ala mae ri nakke na Nasarema' sikontu apa kuparalluanga.” Tuli napala' dudumi Yakub ri daenna, nakala'busanna ero'mi Esau antarimai anjo passarena.

NEHEMIA 9:25

Naallei ummatTa sikamma tembo' pattahanganga, butta copponga siagang balla' sangga kalumanynyanga. Sikamma bungung siagang timbuseng je'ne' narampasaki ke'nanga, koko anggoro', poko' zaitun na rappo-rappoang maraeng. Co'moki ke'nanga lanri angnganre ri ero'-ero' pa'mai'na. Sikontu passare bajitTa nakasiaki ke'nanga.

PAMMUJI 103:5

Ia ampassukkuki katallassannu siagang kabajikang, sa'gennu tanaallea toa sanrapang jangang-jangang rajawali.

PAMMUJI 116:7

Kupakasannangi pa'maikku, saba' bajiki Batara mae ri nakke.

PAMMUJI 13:6

Nasaba' pangngamaseanTa kupattoang, jari larannua' lanri iKatte ampasalamaka'. Erokka' makkelong untu' Batara, nasaba' le'ba'na a'gau' baji' mae ri nakke!

PAMMUJI 22:26

Ri tangnga-tangngana passe'reanna ummaka mammujia' mae ri Katte, lanri sikontu apa le'baka Kigaukang. Ri dallekang umma' mappilangngeria kupassareang koro'bang le'baka kupa'janjiang.

PAMMUJI 37:19

Ri wattu kasukkarranna tena nalasusa ke'nanga, ri wattu kacipuranga lagannaki kaparalluanna ke'nanga.

PAMMUJI 67:5

Poro akkio' rannu ngasengi sikontu bansaya, nakkelong a'rannu-rannu. Saba' iKatte ammarenta siagang adele' na Kirurungang massing-massing bansaya ri lino.

PAMMUJI 72:18

Nipujimi Batara, Allata'alana Israel! Iaji bawang akkulle anggaukangi apa-apa appakalannasaka.

PANGNGEBARANG 13:25

Tau bajika tuli gannaki ri katallassanna, mingka tau ja'dalaka tuli lakakurangangi.

KELONG MALA'BIRI' 5:1

Battua', mae ri kokongku, andi', buntingku, appasse'rea' muru' siagang rampa-rampa; kukanrei ru'mung baniku siagang je'ne' baniku, kuinungi dadika siagang je'ne' anggorokku. Angnganre siagang angnginung ngaseng mako, bela-belaku, angnginungko sa'gennu nasa'ring pattanringang.

YESAYA 25:1

Batara, iKatte Allata'alaku, kupakala'birikKi' siagang kupuji arenTa. Saba' sikamma bate pa'jariTa tamaka appakalannasa'na; le'ba' Kirancana memangi battu riolo, naKimmajarre' anggaukangi.

YESAYA 29:22

Lanri kammana anjo, Batara, iamintu Allata'alana Israel le'baka ampakabebasaki Abraham, kamma-kamma anne Nakana, “Ikau bansaKu, tenamo nalanihinako pole siagang tenamo nalapi'lasa' rupannu lanri siri'-siri'.

YESAYA 45:17

Mingka Israel Nipasalamaki ri Batara; lattahangi kasalamakkanna. Ikau ngaseng tena nulanipakasiri' siagang lanihina sa'genna satunggu-tungguna.’ ”

YESAYA 49:23

Sikamma karaenga larapangi mangge mae ri kau, na sikamma karaeng bainea a'jari amma' mae ri kau. La'su'juki ke'nanga ampakalompoko siagang napakatuna kalenna mae ri kau. Na lanuassemmo angkanaya iNakke anne Batara; tau manrannuanga ri Nakke tena nala'ba pa'mai'na.”

YESAYA 54:4

Teako mallakki, talanipakasirikako; talanihinayako sa'gennu ammakkala' kacci. Lanukaluppai tamajarre'na tappa'nu ri wattu rungkanu; tanuu'rangiami sinona nukasia' ri wattunnu rapang janda.

YESAYA 55:2

Untu' apa naniballi apa tenaya nappassukku' ri pa'mai', siagang nijama apa tenaya nabassori taua? Turukimi parentaKu, na nukanre apa bajika, siagang nukasia' kanre nyamang nipatalaya.

KAIMANGNGANG 25:19

LaNasareko wassele' buttana anjo pa'rasanganga sa'genna angganna' kanrenu siagang salewangangko ammantang anjoreng.

KAIMANGNGANG 26:26

Lakala'busangko ri kanre, sa'genna punna nia' sampulo baine, se're mami pattunuang roti naparalluang untu' antunui roti niaka ri ke'nanga. Lanipakammai ransung anjo kanrea, siagang punna le'baki nukanre, tulusu' cipuru'nu ija.

KAIMANGNGANG 26:5

Lalla'bi-la'bi wassele'na buttanu, sa'genna akkatto ijako gandung, nanarapi'mo sedeng wattu pangngalleanna rappo anggoroka. Siagang punna narapi'mo wattunnu la'lamung gandung, tenapa nule'ba' angngalle ngasengi rappo anggoro'nu. Lagannaki kanre-kanreannu siagang lasalewangangi tallasa'nu lalang ri pa'rasangannu.

MIKHA 6:14

Langnganreko, mingka talabassorako – ba'lalo tuli cipuru'nu. Langngengkakko barang-barang, mingka takkulleako ampakaamangi. Apa-apa mamo nupakaamanga laKuancuruki lalang pa'bundukang.

ZEFANYA 3:11

Anjo wattua, he ummakKu, tenamo nuparallu pole siri'-siri' lanri le'ba'nu angngewa mae ri Nakke. LaKubongkai sikamma tau tampoa siagang borroa, siagang tenamo nulangngewa mae ri Nakke irate ti bulu' matangkasakKu.

ZAKHARIA 9:15

Umma'Na mattantu laNasarei pa'la'langngang, sa'genna akkulle nabeta ke'nanga sikontu musua. Sanrapang pakkio'na tau nasa'ringa lanri angnginung, kammaminjo pakkio'na ke'nanga lalang pa'bundukang. Sanrapang cera' nitumpaya irate ri tampa' pakkoro'bangnganga, kammaminjo tattumpana cera'na musunna ke'nanga.

ZAKHARIA 9:17

Tamaka baji'na buttaNa Batara sallang, teai sipato' baji'na siagang ga'gana! Anjorengi coppong sikali timbona anggoroka siagang gandunga, sa'genna pila' katambang gassinna turungkaya siagang tuloloa.

ROMA 10:11

Nia' tattulisi' lalang ri Kittaka angkanaya, “Inai-nai tappa' tena nalanipakala'ba pa'mai'na.”

ROMA 5:5

Anjo panrannuang kammaya tena nalanapakala'ba pa'maitta, nasaba' le'ba'mi nibonei atinta siagang pangngamaseanNa Allata'ala. Na anjo Nagaukangi Allata'ala tete ri Roh MalanynyinNa, le'bakamo Napassareang mae ri katte.

ROMA 9:33

Ri sesena anjo batua, nia' tattulisi' lalang ri Kittaka angkana, “U'rangi baji'-bajiki anne: Ri Sion nia' batu le'ba' Kuboli', la'jari sabaka natatto'ro taua; iamintu se're batu lompo, la'jari sabaka natu'guru' taua. Mingka inai-nai tappa' ri Ia tena nalala'ba' pa'mai'na.”

PAOLE 11:15

kammayatompa rukuka untu' olo'-olo' piaranu. Sikontu kanre-kanreang nuparalluia lasadia ngasengi untu' ikau.

PAOLE 12:12

A'rannu-rannuko ri dallekanNa Karaeng Allata'alanu, siagang sikamma ana'-ana'nu, ata-atannu siagang sikamma tu Lewi ammantanga ri kota-kotanu, lanri anjo tu Lewi tena nanggappa pambageang butta ri pa'rasangannu.

PAOLE 12:18

Ikau siagang ana'-ana'nu, kammayatompa sikamma ata-atannu, siagang tu Lewi ammantanga ri kotanu, musti nakanrei anjo passarea ri dallekanNa Karaeng Allata'alanu, ri tampa' Napilea Karaeng Allata'alanu. Siagang anjoreng mako ri anjo tampaka musti a'rannu-rannu lanri sikontu wassele' usahanu.

PAOLE 12:7

Anjoreng tommi, ri dallekanNa Karaeng Allata'alanu, ikau ngaseng siagang sikamma kaluarganu musti angnganre siagang a'rannu-rannu lanri nugappana wassele' usahanu lanri nibarakkakinna ri Karaeng Allata'alanu.

PAOLE 8:10

Langnganreko sa'genna sukku' pa'mai'nu siagang sukkuru' mae ri Karaeng Allata'alanu lanri anjo butta coppong Napassareanga mae ri kau.”

1 TIMOTIUS 6:17

Sikamma tau kalumanynyanga ri anne linoa, parallui nupakainga' sollanna tena na'jari tampo ke'nanga. Kammayatompa tena namanrannuang mae ri barang-barang latappelaka, kammayami kakalumanynyanganga. Musti manrannuang mangei ke'nanga ri Allata'ala assareaki' alla'bi-la'bi sikontu-kontuna niparalluia, sa'genta a'jari sannang.

1 YOHANES 2:28

Jari, sikamma ana'-anakku, tuli asse're mako siagang Almasi lalang ri katallassannu, sollanna punna battui sallang, akkulle maki' andallekang mae ri Ia siagang barani; siagang tenamo nuero' accokko lanri siri'-siri'nu.